Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്‍? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഇന്‍ഷുറന്‍സ് തുക കൈക്കലാക്കാന്‍ പിതാവിനെ ക്വട്ടേഷന്‍ കൊടുത്ത് കൊലപ്പെടുത്തി; മകന്‍ അറസ്റ്റില്‍
ഭോപ്പാല്‍: ഇന്‍ഷുറന്‍സ് തുകയ്ക്കായി പിതാവിനെ കൊലപ്പെടുത്താന്‍ ക്വട്ടേഷന്‍ കൊടുത്ത് മകന്‍. മധ്യപ്രദേശിലെ ബര്‍വാനി ജില്ലയില്‍ ആണ് ഞെട്ടിപ്പിക്കുന്ന സംഭവംയ. അപകട ഇന്‍ഷുറന്‍സ് തുക ക്ലെയിം ചെയ്യുന്നതിനായാണ് മകന്‍ പിതാവിനെ കൊലപ്പെടുത്താന്‍ കരാര്‍ കൊലയാളികളെ നിയോഗിച്ചത് എന്ന് പൊലീസ് പറഞ്ഞു.
അജ്ഞാത വാഹനമിടിച്ച് 52 കാരനായ പിതാവ് മരിച്ചെന്ന് അവകാശപ്പെട്ട് നവംബര്‍ 10 ന് ആ് പ്രതി സെന്‍ധ്വ പോലീസ് സ്റ്റേഷനെ സമീപിച്ചത്. ഇതിന് പിന്നാലെ നടത്തിയ അന്വേഷണത്തിലാണ് ഞെട്ടിക്കുന്ന കൊലപാതകത്തിന്റെ ചുരുളഴിഞ്ഞത് എന്ന് പൊലീസ് സൂപ്രണ്ട് (എസ് പി) ദീപക് കുമാര്‍ ശുക്ല പറഞ്ഞു.
അപകട സ്ഥലം പരിശോധിച്ച പൊലീസ് 52 കാരന്റെ മരണം കൊലപാതകമാണ് എന്ന നിഗമനത്തിലെത്തിയിരുന്നു. 52 കാരനായ ഛഗന്‍ പവാറാണ് മകന്റെ ക്രൂരകൃത്യത്തിന് ഇരയായത്. സംഭവത്തില്‍ മകന്‍ അനില്‍ പവാറിനെ പൊലീസ് അറസ്റ്റ് ചെയ്തിട്ടുണ്ട്.
പ്രദേശത്തെ സി സി ടി വി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് ഛഗന്‍ പവാറിന്റേത് അപകട മരണമല്ല എന്നും കൊലപാതകമാണ് എന്നും കണ്ടെത്തിയത് എന്ന് സെന്‍ധ്വ പൊലീസ് സ്റ്റേഷന്‍ ഇന്‍ചാര്‍ജ് രാജേഷ് യാദവ് പറയുന്നത്. അന്വേഷണത്തെ തുടര്‍ന്ന്, സംശയം തോന്നിയ കരണ്‍ ഷിന്‍ഡെ എന്നായാളെ പൂനെയില്‍ നിന്ന് അറസ്റ്റ് ചെയ്തിരുന്നു.
ചോദ്യം ചെയ്യലില്‍, കൊലപാതകത്തിന് 2.5 ലക്ഷം രൂപ നല്‍കാമെന്ന് ഛഗന്‍ പവാറിന്റെ മകന്‍ വാഗ്ദാനം ചെയ്തതായി അദ്ദേഹം പറഞ്ഞു. പിതാവ് 10 ലക്ഷം രൂപയ്ക്ക് അപകട ഇന്‍ഷുറന്‍സ് എടുത്തിട്ടുണ്ടെന്നും കൊലയാളികളെ വാടകയ്ക്കെടുത്തതായും മകന്‍ പിന്നീട് സമ്മതിച്ചു.
ഛഗന്‍ പവാര്‍ ദിവസവും രാവിലെ നടക്കാന്‍ പോകാറുണ്ടായിരുന്നു. നവംബര്‍ 10 ന് ഛഗന്‍ പവാര്‍ പതിവ് പോലെ പ്രഭാത നടത്തത്തിന് പോയപ്പോള്‍ മകന്‍ ക്വട്ടേഷന്‍കാരെ വിളിച്ച് വിവരം കൈമാറുകയായിരുന്നു. കുറ്റകൃത്യത്തില്‍ ഉള്‍പ്പെട്ട രണ്ട് പ്രതികളെ കൂടി അറസ്റ്റ് ചെയ്തതായി ഉദ്യോഗസ്ഥര്‍ പറഞ്ഞു.
