• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സുഹൃത്തിന്റെ മകളെ ബലാല്‍സംഗം ചെയ്ത് ജീവനോടെ കുഴിച്ചിട്ടു; പിന്നീട് സംഭവിച്ചത്...

ഭോപ്പാല്‍: സുഹൃത്തിന്റെ 14കാരിയായ മകളെ യുവാവ് ബലാല്‍സംഗം ചെയ്തു. ശേഷം വയലില്‍ ജീവനോടെ കുഴിച്ചിട്ടു. മധ്യപ്രദേശിലെ ബെതുല്‍ ജില്ലയിലാണ് നടുക്കുന്ന സംഭവം. കല്ലുകള്‍ കൊണ്ടുണ്ടാക്കിയ സ്ലാബുകള്‍ക്കടിയില്‍ നിന്നാണ് അബോധാവസ്ഥയില്‍ പെണ്‍കുട്ടിയെ കണ്ടെത്തിയത്. സമീപത്തെ ആശുപത്രയിലെത്തിച്ചു. പ്രാഥമിക പരിശോധനകള്‍ക്ക് ശേഷം നാഗ്പൂരിലെ ആശുപത്രിയിലേക്ക് മാറ്റി. പെണ്‍കുട്ടിയുടെ ആരോഗ്യ നില ഗുരുതരമാണ് എന്ന് ബേതുല്‍ എസ്പി ഷിംല പ്രസാദ് പറഞ്ഞു.

തിങ്കളാഴ്ച രാത്രിയാണ് സംഭവം. വയലിലെ ജലസേചനത്തിന് ഉപയോഗിക്കുന്ന മോട്ടോര്‍ ഓഫ് ചെയ്യാന്‍ പോയതായിരുന്നു പെണ്‍കുട്ടി. ഈ വേളയിലാണ് ആക്രമണമുണ്ടായത്. സുശീല്‍ വര്‍മ എന്നയാളാണ് ബലാല്‍സംഗം ചെയ്തതെന്ന് പോലീസ് പറയുന്നു. ഇയാളെ അറസ്റ്റ് ചെയ്തു. ഇന്ത്യന്‍ ശിക്ഷാ നിയമത്തിലെ ബലാല്‍സംഗം, കൊലപാതക ശ്രമം എന്നീ വകുപ്പുകള്‍ പ്രകാരവും പോക്‌സോ നിയമ പ്രകാരവുമാണ് കേസ് രജിസ്റ്റര്‍ ചെയ്തിരിക്കുന്നത്.

പികെ ഫിറോസ് എത്തും? താനൂരില്‍ മുസ്ലിം ലീഗ് പാട്ടുംപാടി ജയിക്കും... അബ്ദുറഹ്മാന്‍ തന്ത്രം മാറ്റുമെന്ന് സൂചന

സുശീല്‍ വര്‍മ തന്റെ സുഹൃത്താണെന്നും വീട്ടില്‍ പതിവായി വരാറുണ്ടെന്നും പെണ്‍കുട്ടിയുടെ അച്ഛന്‍ പറഞ്ഞു. സുശീലിനെ അങ്കിള്‍ എന്നാണ് പെണ്‍കുട്ടി വിളിച്ചിരുന്നത്. പെണ്‍കുട്ടി വയലിലെത്തിയ വേളയില്‍ സുശീല്‍ അവിടെ ജോലി ചെയ്യുന്നുണ്ടായിരുന്നു. പെണ്‍കുട്ടിയെ ബലമായി വലിച്ചുകൊണ്ടുപോയി ബലാല്‍സംഗം ചെയ്തു. കല്ല് കൊണ്ട് തലയ്ക്ക് അടിച്ചു ബോധം കെടുത്തി. ശേഷം സ്ലാബുകള്‍ക്കടയില്‍ കുഴിച്ചിട്ടു.

വീട്ടില്‍ തിരിച്ചെത്താത്തതിനെ തുടര്‍ന്ന് പെണ്‍കുട്ടിയെ തിരയാന്‍ തുടങ്ങി. വയലില്‍ പെണ്‍കുട്ടിയുടെ കാലടയാളം കണ്ടു. പിന്നീടാണ് ഇവിടെ തിരഞ്ഞത്. ഒടുവില്‍ പെണ്‍കുട്ടി സ്ലാബുകള്‍ക്കടയില്‍ ബോധരഹിതയായി കിടക്കുന്നത് കണ്ടെത്തി. ആശുപത്രിയില്‍ വച്ച് മൊഴിയെടുത്തു. സുശീല്‍ വര്‍മയാണ് ആക്രമിച്ചതെന്ന് പെണ്‍കുട്ടി പറഞ്ഞു. പ്രതി കുറ്റം സമ്മതിച്ചു എന്ന് പോലീസ് അറിയിച്ചു.

cmsvideo
    കേന്ദ്രത്തിന്റെ വിമർശനത്തിനു മറുപടിയുമായി ആരോഗ്യമന്ത്രി

    English summary
    Madhya Pradesh Police arrested Youth for rapes minor girl and bury her alive
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X