നോയിഡയില്‍ ആറാം ക്ലാസ് വിദ്യാര്‍ത്ഥിനിയെ ബെല്‍റ്റ് കൊണ്ട് മര്‍ദ്ദിച്ചു, മദ്രസ അധ്യാപകന്‍ അറസ്റ്റില്‍

നോയിഡ: മദ്രസ വിദ്യാര്‍ത്ഥിനിയായ ആറു വയസുകാരിയെ ബെല്‍റ്റ് കൊണ്ടടിച്ച മദ്രസ അധ്യാപകനെ അറസ്റ്റ് ചെയ്തു. പാഠഭാഗങ്ങള്‍ പഠിക്കാന്‍ സാധിക്കാത്തതിനാല്‍ പെണ്‍കുട്ടിയെ ബെല്‍റ്റ് കൊണ്ട് മര്‍ദ്ദിക്കുകയായിരുന്നു. വെള്ളയാഴ്ച്ചയാണ് നോയിഡ പോലീസ് അധ്യാപകനെ അറസ്റ്റ് ചെയ്തത്. മൗലവി മുഹമ്മദ് നവാസ് എന്ന ആള്‍ക്കെതിരെയാണ് പെണ്‍കുട്ടിയുടെ പിതാവ് പരാതി നല്‍കിയത്. ഇതിനെ തുടര്‍ന്നായിരുന്നു അറസ്റ്റ്.

നോയിഡ സെക്റ്റര്‍ 115ലെ മദ്രസ അധ്യാപകനാണ് മൗലവി മുഹമ്മദ്. ഇയാള്‍ കുറ്റം സമ്മതിക്കുകയും ചെയ്തിരുന്നു. പൊതുവേ വിദ്യാര്‍ത്ഥികളോട് സ്‌നേഹത്തോടെയാണ് പെരുമാറാറെന്നും എന്നാല്‍ ഈ വിദ്യാര്‍ത്ഥിനി പാഠഭാഗങ്ങള്‍ പഠിക്കാത്തതിനാല്‍ ആണ് ബെല്‍റ്റ് കൊണ്ട് മര്‍ദ്ദിക്കേണ്ടതെന്ന് പറയുന്നു. ഇതില്‍ അധ്യാപകന്‍ ഖേദം പ്രകടിപ്പിക്കയും ചെയ്തു.

മദ്രസയില്‍ മകളെ കാണാനെത്തിയ പെണ്‍കുട്ടിയുടെ പിതാവ് മര്‍ദ്ദനമേറ്റ നിലയില്‍ പെണ്‍കുട്ടിയെ കണ്ടെത്തുകയായിരുന്നു. ഇതേ കുറിച്ച് മദ്രസയില്‍ അന്വേഷിച്ചപ്പോള്‍ തന്നെ ഭീഷണിപ്പെടുത്തുകയായിരുന്നു എന്നും പെണ്‍കുട്ടിയുടെ പിതാവ് പറഞ്ഞു. അറസ്റ്റിനെ തുടര്‍ന്ന് കോടതിയില്‍ ഹാജരാക്കി പ്രതിയെ റിമാന്‍ഡ് ചെയ്തു. ഐപിസി 323 അടക്കമുള്ള കേസുകളാണ് മൗലവിക്കെതിരെ ചുമത്തിയിട്ടുള്ളത്. പോലീസ് കേസ് രജിസ്റ്റര്‍ ചെയ്തതോടെ ഒളിവില്‍ പോയ ഇയാളെ പിന്നീട് അറസ്റ്റ് ചെയ്യുകയായിരുന്നു.

English summary

Madrassa teacher arrested for beaten up six year old girl with belt in Noida