'മാജിക് പെന്‍' തട്ടിപ്പ്!! സൂക്ഷിച്ചില്ലെങ്കില്‍ ഇത് നിങ്ങളുടെ അക്കൗണ്ട് കാലിയാക്കും

ബെംഗളൂരു: മാജിക് പെണ്‍ തട്ടിപ്പുകള്‍ വ്യാപകമാകുന്നു. ബാങ്കുകളില്‍ വ്യാജ ചെക്കുമായി ബന്ധപ്പെട്ട വാര്‍ത്തകള്‍ പെരുകുന്ന സാഹചര്യത്തിലാണ് മാജിക് പെന്നിനെ കുറിച്ച് ഉപഭോക്താകള്‍ക്ക് ബാങ്കുകള്‍ ജാഗ്രതാ നിര്‍ദേശം നല്‍കിയത.

വ്യാജ ചെക്കുകളുമായി ബാങ്കില്‍ എത്തുന്ന തട്ടിപ്പുക്കാര്‍ പേരും തുകയും എഴുതി പണം തട്ടുന്നു. ഈ പേനക്കൊണ്ട് എഴുതുന്ന കാര്യങ്ങള്‍ മാഞ്ഞു പോകുന്നതോ മായ്ച്ചു കളയുകയോ ചെയ്യാവുന്നതാണ്.

ഇത്തരത്തില്‍ നിരവധി പരാതികളാണ് ബാങ്കില്‍ ലഭിച്ചിട്ടുള്ളത്. ഇത് കണ്ടെത്താന്‍ പ്രത്യേക മാര്‍ഗങ്ങളും ഇല്ല. സിറ്റി ബാങ്കുകള്‍ ഉള്‍പ്പടെയുള്ള ബാങ്കുകല്‍ ഉപഭോക്താകള്‍ക്ക് ഇതു സംബന്ധിച്ച നിര്‍ദേശം നല്‍കിയിട്ടുണ്ട്.

ഉപഭോക്താവിന് മാജിക് പെന്‍ നല്‍കി അതില്‍ പേരും സംഖ്യയും എഴുതിച്ചാണ് പണം തട്ടുന്നത് എന്ന് ബാങ്ക് അധികൃതര്‍ പറയുന്നു. ബാങ്കിന്റെ പേരില്‍ വ്യാജ മെയിലുകള്‍ അയച്ചും തട്ടിപ്പ് നടത്തുന്നുണ്ട് എന്ന് ഉദ്യോഗസ്ഥര്‍ പറഞ്ഞു.

English summary

magic pen scandal popular in banks