'മഹ' ചുഴലിക്കാറ്റ് ലക്ഷദ്വീപിൽ ആഞ്ഞടിച്ചു, നാവിക സേനയുടെ കപ്പലുകൾ ദ്വീപിലേക്ക്, കേരളത്തിൽ കനത്ത മഴ
തിരുവനന്തപുരം: ലക്ഷദ്വീപിൽ ആഞ്ഞടിച്ച് മഹാ ചുഴലിക്കാറ്റ്. മണിക്കൂറിൽ 83 കിലോമീറ്റർ വേഗതയിലാണ് അമിനിദിവി ദ്വീപിൽ ചുഴലിക്കാറ്റ് ആഞ്ഞടിച്ചത്. കോഴിക്കോട് നിന്ന് ഏകദേശം 330 കിലോമീറ്റർ അകലെയാണ് മഹ ഇപ്പോൾ. മധ്യകിഴക്കൻ അറബിക്കടലിലേക്ക് ചുഴലിക്കാറ്റ് നീങ്ങുകയാണ്. കേരളത്തിലെ വടക്കൻ ജില്ലകളിൽ കനത്ത മഴയ്ക്ക് സാധ്യതയുണ്ട്. അറബിക്കടലിൽ വെച്ചു തന്നെ മഹ അതിതീവ്ര ചുഴലിക്കാറ്റാകുമെന്നാണ് കരുതുന്നത്. അടുത്ത 24 മണിക്കൂറിനകം കേരള, കർണാടക, മഹാരാഷ്ട്ര തീരങ്ങൾക്ക് അടുത്ത് കൂടി മഹാ ചുഴലിക്കാറ്റ് കടന്നു പോകും. വരുന്ന 24 മണിക്കൂറിൽ ലക്ഷദ്വീപിൽ അതീവ ജാഗ്രതാ നിർദ്ദേശമാണ് നൽകിയിരിക്കുന്നത്. എല്ലാ ദ്വീപുകളിലും റെഡ് അലേർട്ട് പ്രഖ്യാപിച്ചിരിക്കുകയാണ്. കടൽ പ്രക്ഷുബ്ധമാകും. ലക്ഷദ്വീപിലെ എല്ലാ കപ്പൽ സർവീസുകളും നിർത്തിവെച്ചിരിക്കുകയാണ്. കൂടുതൽ വിവരങ്ങൾ ലൈവ അപ്ഡേറ്റ്സിൽ വായിക്കാം.
Click it and Unblock the Notifications
Sign in with Google