മഹാ കുംഭമേളയ്ക്കിടെയുണ്ടായ അപകടം; 15 പേർ മരിച്ചതായി റിപ്പോർട്ട്,സാഹചര്യം വിലയിരുത്തി പ്രധാനമന്ത്രി

മഹാകുംഭമേളയിൽ മൗനി അമാവാസിയുടെ അമൃത സ്‌നാനത്തിന് മുന്നോടിയായുള്ള ചടങ്ങിനിടെ തിക്കിലും തിരക്കിലും പെട്ട് അപകടം. അപകടത്തിൽ 15 ഓളം പേർ മരിച്ചതായും 40 ഓളം പേർക്ക് പരിക്കേറ്റതായും ദേശീയ മാധ്യമങ്ങൾ റിപ്പോർട്ട് ചെയ്തു. എന്നാൽ ഇത് സംബന്ധിച്ച് ഔദ്യോഗിക സ്ഥിരീകരണം ഉണ്ടായിട്ടില്ല. പരിക്കേറ്റവരെ കുംഭമേള പ്രദേശത്ത് തന്നെ താത്കാലികമായി ഒരുക്കിയ ആശുപത്രിയിലേക്കാണ് മാറ്റിയത്. അപകടത്തെ തുടർന്ന് തിരക്ക് നിയന്ത്രിക്കാനുള്ള നടപടികൾ സ്വീകരിച്ചതായി അധികൃതർ അറിയിച്ചു.