ഭക്തർ ഒഴുകിയ എത്തിയ 45 ദിവസം; മഹാ കുംഭ മേളയിലേക്കെത്തിയത് 68 കോടിയിലധകം ആളുകൾ

ലോകത്തിലെ ഏറ്റവും വലിയ മതസം​ഗമം എന്നറിയപ്പെടുന്ന മഹാ കുംഭ മേള ബുധനാഴ്ച അവസാനിക്കും. 45 ദിവസത്തെ കുംഭ മേളയിൽ 64 കോടിയിലധികം ഭക്തർ ​ഗം​ഗ, യമുന, സരസ്വതി ത്രിവേണി സം​ഗമത്തിൽ പുണ്യ സ്നാനം ചെയ്തു. മഹാ കുംഭ മേളയിൽ ആകെ ആറ് സ്നാനങ്ങളാണ് ഉണ്ടായിരുന്നത്.

അവ അമൃത സ്നാനങ്ങൾ എന്നാണ് അറിയപ്പെടുന്നത്. മകര സംക്രാന്തി ( ജനുവരി 14 ) മൗനി അമാവാസി ( ജനുവരി 29 ), ബസന്ത് പഞ്ചമി ( ഫെബ്രുവരി 3 ) അമൃത് സ്നാൻ അല്ലെങ്കിലും ആകെ ആറ് സ്നാനങ്ങളിൽ അവസാനത്തേതിൽ മഹാ ശിവരാത്രി സ്നാനം ഉൾപ്പെടുന്നു. മറ്റ് രണ്ടെണ്ണം പൗഷ് പൂർണിമയും ( ജനുവരി 13 ) മാ​ഗി പൂർണിമ ( ഫെബ്രുവരി 11- 12) ആയിരുന്നു.

വൻ സുരക്ഷയാണ് ഇത്തവണ ഒരുക്കിയിരുന്നത്. 40000 പോലീസ് ഓഫീസർമാർ, എഐ അധിഷ്ഠിതമായ സർവലയൻസ് സിസ്റ്റം എ ഐ മാപ്പിങ് തുടങ്ങിയ സംവിധാനങ്ങൾ ഒരുക്കിയിരുന്നു.

പല പ്രധാനപ്പെട്ട സംഭവങ്ങളും മഹാ കുംഭ മേളയ്ക്കിടെ നടന്നു:

1. പ്രമുഖ രാഷ്ട്രീയക്കാരും ബോളിവുഡ് താരങ്ങളും വ്യവസായ പ്രമുഖരും മഹാ കുംഭ മേളയിലെത്തി. മഹാ കുംഭ മേളയിൽ പ്രധാനമന്ത്രി നരേന്ദ്ര മോദി, രാഷ്ട്രപകി ​ദ്രൗപതി മുർമു. അഖിലേഷ് യാദവ്, ദേവേന്ദ്ര ഫഡ്നാവിസ് തുടങ്ങി ബോളിവുഡ് താരങ്ങളായ അക്ഷയ് കുമാർ, പ്രീതി സിന്റ, ഹേമമാലിനി, റെമോ ഡി സൂസ തുടങ്ങി വ്യവസായ പ്രമുഖരായ മുകേഷ് അംബാനിയും കുടുംബവും ​ഗൗതം അദാനി, സ്റ്റീന് ജോബ്സിന്റെ ഭാര്യ ലോറൻ പവൽ ജോബ്‌സ് തുടങ്ങിയവർ പങ്കെടുത്തു.

2. മഹാ കുംഭത്തിൽ വൈറലായ പെൺകുട്ടി

മധ്യപ്രദേശിലെ ഖാർ​ഗോൺ ജില്ലയിൽ നിന്നുള്ള 16 കാരിയായ മൊണാലിസ ഭോസ്‌ലെ 2025 മഹാ കുംഭ മേളയിൽ വൈറലായിരുന്നു. ഇപ്പോൾ ഈ പെൺകുട്ടി ബോളിവുഡിൽ അരങ്ങേറ്റം കുറിക്കാൻ ഒരുങ്ങുകയാണ്. പ്രയാ​ഗ് രാജിൽ 2025 ൽ നടന്ന മഹാ കുംഭത്തിൽ രുദ്രാക്ഷ മാലകൾ വിൽക്കുന്നത് ഒരു കണ്ടന്റ് ക്രിയേറ്റർ വീഡിയോ എടുത്തതോടെയാണ് മൊണാലിസ ആദ്യമായി പ്രശസ്തയായത്. അവളുടെ പൂച്ചക്കണ്ണുകളും സ്വാഭാവികമായ മനോഹാരിതയും സോഷ്യൽ മീഡിയയെ ആകർഷിച്ചു

3. തിക്കുതിരക്കും മൂലം അപകടം:

ജനുവരി 29 ലെ രണ്ടാമത്തെ അമൃത് സ്നാനിൽ മൗനി അമവാസി ദിനത്തിൽ ​ഗം​ഗാ നദിയിൽ പുണ്യ സ്നാനം ചെയ്യാൻ ആയിരക്കണക്കിന് ഭക്തർ ഒത്തുകൂടിയ ദിവസം തിക്കും തിരക്കും കാരണം അപകടമുണ്ടായി. ജനുവരി 29 ന് പുലർച്ചെ 1 നും 2 നും ഇടയിലുണ്ടായ സംഭവത്തിൽ
30 പേർ മരിക്കുകയും 60 പേർക്ക് പരിക്കേൽക്കുകയും ചെയ്തു.