മഹാരാഷ്ട്ര നിയമസഭ തിരഞ്ഞെടുപ്പ് 2019; മോദിയും രാഹുലും ഇന്ന് തിരഞ്ഞെടുപ്പ് റാലികളിൽ പങ്കെടുക്കും!
നിയമസഭ തിരഞ്ഞെടുപ്പ് പ്രഖ്യാപിച്ചിരിക്കുന്ന മഹാരാഷ്ട്രയിലെ റാലികളിൽ പ്രധാനമന്ത്രി നരേന്ദ്രമോദിയും കോൺഗ്രസ് നേതാവ് രാഹുൽ ഗാന്ധിയും ഞായറാഴ്ച പങ്കെടുക്കും. നരേന്ദ്രമോദി രണ്ട് ബിജെപി റാലികളിലും രാഹുൽ ഗാന്ധി മൂന്ന് കോൺഗ്രസ് റാലികളിലുമാണ് പങ്കെടുക്കുക. മഹാരാഷ്ട്രയിൽ തിരഞ്ഞെടുപ്പ് പ്രചാരണം നടത്തുമെന്ന് മോദി ട്വിറ്ററിലൂടെയാണ് അറിയിച്ചത്. സംസ്ഥാനത്തെ സേവിക്കാൻ എൻഡിഎ അഞ്ച് വർഷം കൂടി ആഗ്രഹിക്കുന്നുവെന്ന് മോദി വ്യക്തമാക്കി.
എന്തുകൊണ്ട് കമ്മ്യൂണിസ്റ്റുകാർ ലക്ഷ്യം കണ്ടില്ല? സീതാറാം യെച്ചൂരി പറയുന്നു കൃത്യമായി !!
മുംബൈയിൽ ധരവി, ചാന്ദിവാലി എന്നിവിടങ്ങളിൽ രണ്ട് റാലികളിൽ രാഹുൽ ഗാന്ധി പ്രസംഗിക്കും. ഇതിന് പുറമേ ലാത്തൂറിലെ ഒസയിൽ നടക്കുന്ന റാലിയിലും രാഹുൽ ഗാന്ധി പ്രസംഗിക്കും. ജൽഗാവ്, സകോലി എന്നിവിടങ്ങളിലെ ബിജെപി റാലിയിൽ പ്രധാനമന്ത്രി മോദി പ്രസംഗിക്കും. ബിജെപി ദേശീയ അധ്യക്ഷന് അമിത്ഷായും മഹാരാഷ്ട്രയില് പ്രചാരണത്തിനെത്തുന്നുണ്ട്. അഞ്ചിടത്താണ് അമിത്ഷാ പ്രസംഗിക്കുക.
അതേസമയം ബിജെപി വർക്കിങ് പ്രസിഡൻറ് ജെപി നദ്ദ ഹരിയാനയിൽ പാർട്ടി പ്രകടന പത്രിക ഞായറാഴ്ച പുറത്തിറക്കും. ഒക്ടോബർ 21നാണ് മഹാരാഷ്ട്രയിലും ഹരിയാനയിലും തെരഞ്ഞെടുപ്പ് നടക്കുന്നത്. ഒക്ടോബർ 24ന് ഫലം പ്രഖ്യാപിക്കും. മഹാരാഷ്ട്ര-ഹരിയാന തെരഞ്ഞെടുപ്പ് പ്രഖ്യാപിച്ച ശേഷം ആദ്യമായാണ് നരേന്ദ്ര മോദിയും രാഹുല് ഗാന്ധിയും പ്രചാരണത്തിന് എത്തുന്നത്.