'മഹായുദ്ധ'ത്തിനൊരുങ്ങി മഹാ വികാസ് അഘാഡി; സീറ്റ് വിഭജനം പൂര്ത്തിയായി? കൂടുതല് സീറ്റില് കോണ്ഗ്രസ്
മുംബൈ: മഹാരാഷ്ട്രയിലെ പ്രതിപക്ഷ സഖ്യമായ മഹാ വികാസ് അഘാഡി വരാനിരിക്കുന്ന നിയമസഭാ തിരഞ്ഞെടുപ്പിനുള്ള സീറ്റ് പങ്കിടല് സംബന്ധിച്ച് ധാരണയില് എത്തിയതായി റിപ്പോര്ട്ട്. വൃത്തങ്ങളെ ഉദ്ധരിച്ച് ഇന്ത്യാ ടുഡേയാണ് ഇക്കാര്യം റിപ്പോര്ട്ട് ചെയ്യുന്നത്. നിലവിലെ ധാരണ പ്രകാരം കോണ്ഗ്രസ് കൂടുതല് സീറ്റുകളില് മത്സരിക്കും എന്നാണ് വിവരം. 288 അംഗ നിയമസഭയാണ് മഹാരാഷ്ട്രയിലേത്.
ഇതില് കോണ്ഗ്രസ് 104 സീറ്റുകളിലും ഉദ്ധവ് താക്കറെയുടെ ശിവസേന (യുബിടി) 96 സീറ്റുകളിലും മത്സരിക്കും എന്നാണ് വിവരം. ശരദ് പവാറിന്റെ എന്സിപി (എസ്പി) 88 സീറ്റുകളിലും സ്ഥാനാര്ത്ഥികളെ നിര്ത്തും. സമാജ്വാദി പാര്ട്ടി, പെസന്റ്സ് ആന്ഡ് വര്ക്കേഴ്സ് പാര്ട്ടി (പിഡബ്ല്യുപി) പോലുള്ള മറ്റ് സഖ്യകക്ഷികളെ എങ്ങനെ പരിഗണിക്കണം എന്ന കാര്യത്തില് ചര്ച്ച തുടരുകയാണ്.
വിദര്ഭ മേഖലയിലെ ഏതാനും സീറ്റുകളുടെ കാര്യത്തില് അഭിപ്രായവ്യത്യാസമുണ്ടായെങ്കിലും അവയിലും സമവായത്തിലെത്തി എന്നാണ് വിവരം. നാഗ്പൂര് വെസ്റ്റ്, കാംതി, ഗോണ്ടിയ, ഭണ്ഡാര മണ്ഡലങ്ങളിലാണ് കോണ്ഗ്രസ് മത്സരിക്കുക. വാണി, രാംടെക്ക് എന്നിവയുള്പ്പെടെയുള്ള മേഖലയില് ശിവസേന (യുബിടി)ക്ക് മൊത്തം 11 സീറ്റുകള് അനുവദിച്ചു, എന്സിപി (എസ്പി) 11 മുതല് 12 വരെ സീറ്റുകളില് ഇവിടെ മത്സരിക്കും.
2019 ലെ സംസ്ഥാന തിരഞ്ഞെടുപ്പിന് ശേഷം രൂപീകരിച്ച മഹാ വികാസ് അഘാഡി സഖ്യം, ബിജെപി, ഏകനാഥ് ഷിന്ഡെയുടെ നേതൃത്വത്തിലുള്ള ശിവസേന, അജിത് പവാറിന്റെ നേതൃത്വത്തിലുള്ള എന്സിപി എന്നീ കക്ഷികള് ഉള്പ്പെടുന്ന മഹായുതി സഖ്യത്തെ പരാജയപ്പെടുത്താം എന്ന പ്രതീക്ഷയിലാണ്. ലോക്സഭാ തെരഞ്ഞെടുപ്പിലെ പ്രകടനം ആവര്ത്തിക്കാനാണ് പ്രതിപക്ഷ പാര്ട്ടികള് ശ്രമിക്കുന്നത്.
എന്നാല് സീറ്റ് വിഭജനത്തെച്ചൊല്ലി കക്ഷികള്ക്കിടയില് ആദ്യം ഭിന്നത ഉടലെടുത്തിരുന്നു. സീറ്റ് വിഭജനവുമായി ബന്ധപ്പെട്ട് ശിവസേന (യുബിടി) നേതാവ് സഞ്ജയ് റാവത്തും കോണ്ഗ്രസിന്റെ നാനാ പടോലെ തമ്മില് വാക്കേറ്റമുണ്ടായിരുന്നു. ഈ അഭിപ്രായവ്യത്യാസങ്ങള് പരിഹരിക്കുന്നതിനായി നേതാക്കള് ശനിയാഴ്ച സൗത്ത് മുംബൈയിലെ ട്രൈഡന്റ് ഹോട്ടലില് ഒമ്പത് മണിക്കൂര് നീണ്ട യോഗം നടത്തിയിരുന്നു.
ശരദ് പവാറിന്റെ മധ്യസ്ഥതയില് ചേര്ന്ന യോഗത്തിലാണ് തര്ക്കം സമവായത്തിലെത്തിയത് എന്നാണ് റിപ്പോര്ട്ട്. സംസ്ഥാനത്തെ 48 ലോക്സഭാ സീറ്റുകളില് 31 ലും മഹാ വികാസ് അഘാഡിയായിരുന്നു ജയിച്ചത്. 17 ഇടത്താണ് മഹായുതിക്ക് ജയിക്കാനായത്. കോണ്ഗ്രസ് മത്സരിച്ച 17 സീറ്റുകളില് 13 എണ്ണവും ശിവസേന (യുബിടി) മത്സരിച്ച 21 സീറ്റുകളില് 9 എണ്ണവും സ്വന്തമാക്കി. എന്സിപി (എസ്പി) മത്സരിച്ച 10 സീറ്റുകളില് എട്ട് സീറ്റുകളിലും വിജയിക്കാനായിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google