ഒടുങ്ങാത്ത ക്രൂരത; നാഗ്പൂരില് 5 വയസ്സുകാരിയെ ബലാത്സംഗ ശ്രമത്തിനിടെ കൊന്നു, 37 കാരന് പിടിയില്
മുംബൈ: മഹാരാഷ്ട്രയില് അഞ്ച് വയസ്സുകാരിയെ ബലാത്സംഗ ശ്രമത്തിനിടെ കൊലപ്പെടുത്തി. നാഗ്പൂരിനടുത്ത് കല്മേശ്വറിലാണ് സംഭവം. ഉന്നാവ്, ഹൈദരാബാദ് സംഭവങ്ങളുടെ നടുക്കം മാറുന്നതിന് മുമ്പാണ് കല്മേശ്വറില് നിന്നുള്ള വാര്ത്തയും പുറത്ത് വരുന്നത്. വെള്ളിയാഴ്ച്ച കുഞ്ഞിനെ കാണാതാവുകയം തുടര്ന്ന് നടത്തിയ തിരച്ചില് ഇന്നലെ വൈകീട്ടോടെ കുഞ്ഞിന്റെ മൃതദേഹം കണ്ടെത്തുകയുമായിരുന്നു.
ഉപതിരഞ്ഞെടുപ്പ്; ബിജെപിക്ക് വന്മുന്നേറ്റം, 15 ല് 12 മണ്ഡലങ്ങളിലും ലീഡ്, കോണ്ഗ്രസും ദളും ഒരിടത്ത്
വീടിന് അല്പം അകലേയായുള്ള പാടത്ത് നിന്നാണ് മൃതദേഹം കണ്ടെത്തിയത്. സംഭവത്തില് 37 വയസ്സുകാരനെ പോലീസ് അറസ്റ്റ് ചെയ്തു. തലയ്ക്കേറ്റ ഗുരുതര പരിക്കാണ് മരണത്തിന്റെ കാരണമെന്നാണ് പോലീസിന്റെ പ്രാഥമിക വിലയിരുത്തല്. ഇക്കാര്യമുള്പ്പടേയുള്ള കാര്യങ്ങളില് കൂടുതല് വ്യക്തതയ്ക്കായി പോസ്റ്റ്മോര്ട്ടം റിപ്പോര്ട്ടിനായി കാത്തിരിക്കുകയാണ് പോലീസ്.
വെള്ളിയാഴ്ച്ച വൈകീട്ടോടെ മുത്തശ്ശിയുടെ വീട്ടിലേക്ക് പോയ കുട്ടിയെ പിന്നീട് കാണാതാവുകയായിരുന്നു. നാട്ടുകാര് നടത്തിയ തിരച്ചില് കുഞ്ഞിനെ കണ്ടെത്താന് കഴിയാതിരുന്നതിനെ തുടര്ന്ന് ശനിയാഴ്ച്ച രാവിലെയോടെയാണ് വിവരം പോലീസിനെ അറിയിക്കുന്നത്. ബലാത്സംഗത്തിനും കൊലപാതകത്തിനും പോലീസ് കേസ് രജിസ്റ്റര് ചെയ്തു.
പൗരത്വ നിയമഭേദഗതി ബില് ഇന്ന് ലോക്സഭയില് അവതരിപ്പിക്കും; ശക്തമായ പ്രതിഷേധവുമായി പ്രതിപക്ഷം