മഹാരാഷ്ട്രയിൽ വിശ്വാസം തെളിയിച്ച് ഉദ്ധവ് താക്കറെ, ത്രികക്ഷി സർക്കാരിന് 169 പേരുടെ പിന്തുണ

മുംബൈ: മഹാരാഷ്ട്രയിൽ ഉദ്ധവ് താക്കറെ സർക്കാർ വിശ്വസ വോട്ട് നേടി. 169 എംഎൽഎമാരാണ് ത്രികക്ഷി സർക്കാരിനെ പിന്തുണച്ചത്. ബിജെപി വോട്ടെടുപ്പ് ബഹിഷ്കരിച്ചു.വിശ്വാസ വോട്ടെടുപ്പിനായി ചേരുന്ന പ്രത്യേക നിയമസഭാ സമ്മേളനത്തിനായി എൻസിപി എംഎൽഎ ദിലീപ് പാട്ടീലിനെ പ്രോ ടേം തിരഞ്ഞെടുത്തിരുന്നു.. കഴിഞ്ഞ ദിവസമാണ് ത്രികക്ഷി സർക്കാരിന്റെ മുഖ്യന്ത്രിയായി ശിവസേനാ തലവൻ ഉദ്ധവ് താക്കറെ സത്യപ്രതിജ്ഞ ചെയ്ത് അധികാരമേറ്റത്. ഗവര്‍ണര്‍ ഭഗത് സിംഗ് കോഷിയാരി ഡിസംബര്‍ മൂന്നിനാണ് ഉദ്ധവ് താക്കറെയോട് ഭൂരിപക്ഷം തെളിയിക്കാന്‍ ആവശ്യപ്പെട്ടത്. അതേസമയം കര്‍ഷകരുടെ വിഷയങ്ങള്‍ മുന്നിലുള്ളതിനാലാണ് വേഗത്തില്‍ വിശ്വാസ വോട്ടെടുപ്പ് നടത്തിയതെന്നാണ് സൂചന. മഹാരാഷ്ട്രയിലെ വിശ്വാസ വോട്ടെടുപ്പിന്റെ തൽസമയ വിവരങ്ങൾ ലൈവ് അപ്ഡേറ്റ്സിൽ വായിക്കാം.

English summary

Maharashtra floor test live updates