മഹാരാഷ്ട്ര സർക്കാർ രൂപീകരണം; ഫട്നാവിസിനും അജിത് പവാറിനും ആശംസയറിയിച്ച് മോദിയും അമിത് ഷായും
മുംബൈ: മഹാരാഷ്ട്ര മുഖ്യമന്ത്രിയായി സത്യപ്രതിജ്ഞ ചെയ്ത ദേവേന്ദ്ര ഫട്നാവിസിനേയും ഉപമുഖ്യമന്ത്രി അജിത് പവാറിനേയും അഭിനന്ദിച്ച് പ്രധാനമന്ത്രി നരേന്ദ്ര മോദിയും ബിജെപി ദേശീയ അധ്യക്ഷൻ അമിത് ഷായും. മഹാരാഷ്ട്രയുടെ വികസനത്തിനായി ഇരുവരും ഒറ്റക്കെട്ടായി പ്രവർത്തിക്കുമെന്ന വിശ്വാസമുണ്ടെന്ന് പ്രധാനമന്ത്രി ട്വീറ്റ് ചെയ്തു.
ദേവേന്ദ്ര ഫട്നാവിസിനും അജിത് പവാറിനു എല്ലാ ആശംസകളും നേരുന്നുവെന്ന് മഹാരാഷ്ട്രയുടെ വികസനത്തിനായി സർക്കാർ പ്രവർത്തിക്കുമെന്നും അമിത് ഷാ ട്വീറ്റ് ചെയ്തു. അപ്രതീക്ഷിത നീക്കത്തിലൂടെയാണ് മഹാരാഷ്ട്രയിൽ ഫട്നാവിസ് അധികാരം പിടിച്ചത്. എൻസിപിയുടെ പിന്തുണയോടെയായിരുന്നു ബിജെപി നീക്കം.
കോൺഗ്രസ്- ശിവസേന- ബിജെപി ത്രികക്ഷി സർക്കാർ രൂപീകരണവുമായി ബന്ധപ്പെട്ട ഔദ്യോഗിക പ്രഖ്യാപനം ശനിയാഴ്ച ഉണ്ടാകുമെന്ന റിപ്പോർട്ടുകൾക്കിടയിലാണ് രാവിലെ എട്ട് മണിയോടെ ദേവേന്ദ്ര ഫട്നാവിസ് മുഖ്യമന്ത്രിയായി സത്യപ്രതിജ്ഞ ചെയ്തത്. ഒറ്റ രാത്രിയിലെ നീക്കങ്ങൾക്ക് ഒടുവിൽ എൻസിപി ബിജെപി പാളയത്തിൽ എത്തിയതോടെയാണ് മഹാരാഷ്ട്രയിൽ കാര്യങ്ങൾ മാറി മറിഞ്ഞത്.
Congratulations to @Dev_Fadnavis Ji and @AjitPawarSpeaks Ji on taking oath as the CM and Deputy CM of Maharashtra respectively. I am confident they will work diligently for the bright future of Maharashtra.
— Narendra Modi (@narendramodi) November 23, 2019
കൂടുതൽ നേതാക്കൾ ഒപ്പം വരുമെന്ന് ദേവേന്ദ്ര ഫട്നാവിസ് അവകാശപ്പെട്ടു. അജിത് പവാർ എൻസിപി പിളർത്തിയെന്ന സൂചനകളും പുറത്ത് വരുന്നുണ്ട്. പവാറിന്റെ അനന്തിരവനാണ് അജിത് പവാർ. മഹാരാഷ്ട്രയിൽ കിച്ചടി സർക്കാരല്ല സ്ഥിരതയുള്ള സർക്കാരാണ് വേണ്ടതെന്നായിരുന്നു സത്യ പ്രതിജ്ഞയ്ക്ക് ശേഷം ദേവേന്ദ്ര ഫട്നാവിസിന്റെ പ്രതികരണം.
Click it and Unblock the Notifications
Sign in with Google