ഇനി മുതല് പശു അല്ല, 'രാജ്യമാതാ-ഗോമാതാ'; നാടന് പശുക്കള്ക്ക് പുതിയ പേരിട്ട് മഹാരാഷ്ട്ര സര്ക്കാര്
മുംബൈ: നാടന് പശുക്കള്ക്ക് പുതിയ പേരിട്ട് മഹാരാഷ്ട്ര സര്ക്കാര്. ഇനി മുതല് നാടന് പശുക്കള് 'രാജ്യമാതാ-ഗോമാതാ' ആയി അറിയപ്പെടും എന്ന് സംസ്ഥാന കൃഷി, ക്ഷീരവികസന, മൃഗസംരക്ഷണ, മത്സ്യബന്ധന വകുപ്പ് പുറത്തിറക്കിയ ഉത്തരവില് പറയുന്നു. വേദകാലഘട്ടം മുതലുള്ള പശുക്കളുടെ പ്രാധാന്യം കണക്കിലെടുത്താണ് തീരുമാനം. നാടന് പശുക്കള് കര്ഷകര്ക്ക് ഒരു അനുഗ്രഹമാണ് എന്ന് മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസ് പറഞ്ഞു.
അതിനാലാണ് അവക്ക് രാജ്യമാതാ പദവി നല്കാന് സര്ക്കാര് തീരുമാനിച്ചത് എന്ന് അദ്ദേഹം പറഞ്ഞു. കൂടാതെ ഗോശാലകളില് നാടന് പശുക്കളെ വളര്ത്തുന്നതിന് സര്ക്കാര് സഹായം നല്കും എന്നും ഫഡ്നാവിസ് കൂട്ടിച്ചേര്ത്തു. നാടന് പശുക്കളെ വളര്ത്തുന്നതിന് പ്രതിദിനം 50 രൂപയുടെ സബ്സിഡി പദ്ധതിക്കാണ് സംസ്ഥാന മന്ത്രിസഭ അംഗീകാരം നല്കിയിരിക്കുന്നത്.
മുഖ്യമന്ത്രി ഏകനാഥ് ഷിന്ഡെ അധ്യക്ഷത വഹിച്ച യോഗത്തിലാണ് ഇത് സംബന്ധിച്ച തീരുമാനം കൈക്കൊണ്ടിരിക്കുന്നത്. കുറഞ്ഞ വരുമാനം കാരണം ഗോശാലകള് സാമ്പത്തികമായി ബുദ്ധിമുട്ടുകയാണ് എന്നും അവരെ ശക്തിപ്പെടുത്താനാണ് ഈ തീരുമാനം എന്നും മുഖ്യമന്ത്രിയുടെ ഓഫീസ് അറിയിച്ചു. മഹാരാഷ്ട്ര ഗോസേവ കമ്മീഷന് ഓണ്ലൈനായാണ് പദ്ധതി നടപ്പിലാക്കുക എന്നാണ് വൃത്തങ്ങളെ ഉദ്ധരിച്ച് വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്യുന്നത്.
ഓരോ ജില്ലയിലും ജില്ലാ ഗോശാല വെരിഫിക്കേഷന് കമ്മിറ്റി ഉണ്ടായിരിക്കും. 2019-ല് നടത്തിയ 20-ാമത് മൃഗ സെന്സസ് പ്രകാരം സംസ്ഥാനത്തെ നാടന് പശുക്കളുടെ എണ്ണം 4,613,632 മാത്രമാണെന്ന് കണ്ടെത്തിയിരുന്നു. ഇതിന് മുന്പ് നടത്തിയ സെന്സസിനെ അപേക്ഷിച്ച് 20.69 ശതമാനം കുറവാണ് ഇത്. അതേസമയം വേദകാലഘട്ടത്തിലെ പ്രാധാന്യത്തോടൊപ്പം മറ്റ് ഘടകങ്ങളും നാടന് പശുക്കളെ രാജ്യമാതവായി പരിഗണിക്കാന് കാരണമായിട്ടുണ്ട്.
മനുഷ്യ പോഷണത്തില് നാടന് പശുവിന് പാലിന്റെ പ്രാധാന്യം, ആയുര്വേദ, പഞ്ചഗവ്യ ചികിത്സ, ജൈവകൃഷിയില് പശുവളത്തിന്റെ ഉപയോഗം എന്നിവയാണ് മറ്റ് ഘടകങ്ങളെന്നാണ് സംസ്ഥാന കൃഷി, ക്ഷീരവികസന, മൃഗസംരക്ഷണ, മത്സ്യബന്ധന വകുപ്പിന്റെ ഉത്തരവില് പറയുന്നത്. അതേസമയം നിയമസഭാ തിരഞ്ഞെടുപ്പ് അടുത്തിരിക്കെയാണ് ഗോകര്ഷകരേയും ഹിന്ദുത്വവാദികളേയും അനുനയിപ്പിക്കുന്ന തീരുമാനം വന്നിരിക്കുന്നത് എന്നത് ശ്രദ്ധേയമാണ്.
അതിനിെ ഈ തീരുമാനം ഇന്ത്യന് സമൂഹത്തില് പശുവിന്റെ ആത്മീയവും ശാസ്ത്രീയവും ചരിത്രപരവുമായ പ്രാധാന്യമാണ് വെളിവാക്കുന്നത് എന്ന് അടിവരയിടുന്നതായി ഒരു സര്ക്കാര് ഉദ്യോഗസ്ഥന് പറഞ്ഞു. നൂറ്റാണ്ടുകളായി ഇന്ത്യയുടെ സാംസ്കാരിക ഭൂപ്രകൃതിയില് പശുക്കള് വഹിക്കുന്ന പങ്കാണ് ഇത് ഉയര്ത്തിക്കാട്ടുന്നത് എന്നും അദ്ദേഹം പറഞ്ഞു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google