പാന്മസാല പരസ്യത്തിലെ അഭിനയം, ഷാരൂഖ് അടക്കം മൂന്ന് സൂപ്പര്സ്റ്റാറുകള്ക്ക് നോട്ടീസ്
മുംബൈ: പരസ്യങ്ങളില് അഭിനയിച്ച് ബോളിവുഡ് താരങ്ങള്ക്ക് പണി കിട്ടി. പാന് മസാലകളുടെ പരസ്യങ്ങളില് അഭിനയിച്ച സൂപ്പര്സ്റ്റാറുകള്ക്കെതിരെയാണ് നോട്ടീസ്. നിരോധിത ഉല്പ്പന്നങ്ങളുടെ പരസ്യത്തില് അഭിനയിച്ചതിനാണ് ബോളിവുഡ് താരങ്ങള്ക്ക് മഹാരാഷ്ട്ര സര്ക്കാര് നോട്ടീസ് അയച്ചിരിക്കുന്നത്.
കിങ് ഖാന് ഷാരൂഖ് ഖാന്, അജയ് ദേവ്ഗണ്,അനുപം ഖേര്,മനോജ് വാജ് പേയ് എന്നിവര്ക്കാണ് മഹാരാഷ്ട്ര ഫുഡ് ആന്റ് ഡ്രഗ്സ് അതോറിറ്റി നോട്ടീസ് അയച്ചത്. രാജ്യത്ത് അസഹിഷ്ണുത വര്ദ്ധിച്ചു വരികയാണെന്ന് പറഞ്ഞതിനു ഷാരൂഖിനു കുറച്ചൊന്നുമല്ല വിമര്ശനങ്ങള് ഏറ്റുവാങ്ങേണ്ടി വന്നത്. വിവാദങ്ങള് വിട്ടുമാറുന്നതിനുമുന്പ് ഷാരൂഖിനു വീണ്ടും പണി കിട്ടിയിരിക്കുകയാണ്.
കൗമാരക്കാരായ കുട്ടികള്ക്കിടയില് പാന് മസാലയുടെ ഉപയോഗം വര്ദ്ധിച്ചതായി കണ്ടെത്തിയിരുന്നു. ഇത്തരം പരസ്യങ്ങള് പ്രോത്സാഹനം ചെയ്തതായും റിപ്പോര്ട്ടുകള് ഉണ്ടായിരുന്നു. പരസ്യത്തില് അഭിനയിച്ച താരങ്ങള്ക്ക് എന്തെങ്കിലും വിശദീകരിക്കാന് ഉണ്ടെങ്കില് അതിനുള്ള അവസരവും എഫ്ഡിഎ അധികൃതര് നല്കിയിട്ടുണ്ട്.
ഇത്തരം പരസ്യങ്ങളില് താരങ്ങള് അഭിനയിച്ചത് കുട്ടികള്ക്കിടയില് ലഹരി പദാര്ത്ഥങ്ങളുടെ ഉപയോഗം കൂട്ടാന് കാരണമായിട്ടുണ്ടെന്നും വിലയിരുത്തുന്നു. താരങ്ങള് കുട്ടികള്ക്ക് തെറ്റായ സന്ദേശം നല്കിയതായും റിപ്പോര്ട്ടില് ചൂണ്ടിക്കാട്ടുന്നു. ഗുഡ്കയുടെ പരസ്യത്തില് അഭിനയിച്ചതിനാണ് താരങ്ങള്ക്ക് നോട്ടീസ് അയക്കുന്നത്.