മദ്യപിച്ച് ലക്കുകെട്ട് ട്രക്ക് ഡ്രൈവര്‍!ഗതാഗതക്കുരുക്ക് നീക്കാന്‍ മന്ത്രി ട്രക്ക് ഡ്രൈവറായി!വീഡിയോ

മഹാരാഷ്ട്രയിലെ ജാല്‍ഗാവില്‍ വച്ചാണ് മന്ത്രി ഗിരീഷ് മഹാജന്‍ കൂറ്റന്‍ ട്രക്കിന്റെ ഡ്രൈവറായത്. മദ്യപിച്ച് ലക്കു കെട്ട് ട്രക്ക് ഡ്രൈവര്‍ ഗതാഗതക്കുരുക്ക് ഉണ്ടാക്കിയപ്പോഴായിരുന്നു മന്ത്രി ട്രക്ക് ഡ്രൈവറായത്

മുംബൈ: മഹാരാഷ്ട്ര മന്ത്രി നാട്ടുകാരുടെ മുന്നില്‍ ട്രക്ക് ഡ്രൈവറായതിന്റെ വീഡിയോയാണ് ഇപ്പോള്‍ സമൂഹമാധ്യമങ്ങളില്‍ തരംഗമായിക്കൊണ്ടിരിക്കുന്നത്. മഹാരാഷ്ട്രയിലെ ജാല്‍ഗാവില്‍ വച്ചാണ് മന്ത്രി ഗിരീഷ് മഹാജന്‍ കൂറ്റന്‍ ട്രക്കിന്റെ ഡ്രൈവറായത്. മദ്യപിച്ച് ലക്കു കെട്ട് ട്രക്ക് ഡ്രൈവര്‍ ഗതാഗതക്കുരുക്ക് ഉണ്ടാക്കിയപ്പോഴായിരുന്നു മന്ത്രി ട്രക്ക് ഡ്രൈവറായത്.

ശനിയാഴ്ചയാണ് സംഭവം. സ്വകാര്യ ചടങ്ങില്‍ പങ്കെടുക്കാന്‍ പോകുമ്പോഴായിരുന്നു മന്ത്രി ഗതാഗത കുരുക്കില്‍പെട്ടത്. കാര്യം തിരക്കിയപ്പോഴാണ് മദ്യപിച്ച് ലക്കു കെട്ട ഡ്രൈവര്‍ ഗതാഗതക്കുരുക്ക് സൃഷ്ടിച്ചതിനെ കുറിച്ച് മന്ത്രി അറിഞ്ഞത്. ഉടന്‍ തന്നെ മന്ത്രി പുറത്തിറങ്ങുകയായിരുന്നു.

അതിനു ശേഷം റോഡിന് കുറുകെ നിര്‍ത്തിയിട്ടിരുന്ന 14 ടയറുള്ള ട്രക്ക് മന്ത്രി സൈഡിലേക്ക് മാറ്റി നിര്‍ത്തി ഗതാഗത പ്രശ്‌നം പരിഹരിക്കുകയായിരുന്നു. മന്ത്രി ട്രക്ക് ഓടിച്ച് നീക്കി നിര്‍ത്തുമ്പോള്‍ സുരക്ഷാ ഉദ്യോഗസ്ഥരും അതിനൊപ്പം നടന്നു നീങ്ങുകയായിരുന്നു.

അപ്പോഴേക്കും സ്ഥലത്ത് പോലീസ് എത്തിയിരുന്നു. മദ്യപിച്ച് വാഹനമോടിച്ച ട്രൈവറെ പോലീസിന് കൈമാറിയ ശേഷമാണ് മന്ത്രി പോയത്. മന്ത്രി ട്രക്ക് ഓടിച്ച് വശത്തേക്ക് നീക്കിയിടുന്നത് കൈയ്യടിയോടെയാണ് കണ്ടു നിന്നവര്‍ സ്വീകരിച്ചത്. ഇത് മൊബൈലലില്‍ പകര്‍ത്താനും മറന്നില്ല. ഈ വീഡിയോ ഇപ്പോള്‍ സോഷ്യല്‍ മീഡിയകളില്‍ വൈറലാവുകയാണ്.

English summary

In a strange turn of events, a Maharashtra minister alighted from his car and drove a truck in Jalgaon. The minister took the wheels after the 14-wheeler truck was parked in the middle of the road.