മഹാരാഷ്ട്ര എംഎഎല്മാരുടെ അയോഗ്യത; ഉടന് തീരുമാനമെടുക്കണമെന്ന് സ്പീക്കറോട് സുപ്രീംകോടതി
ന്യൂദല്ഹി: മുഖ്യമന്ത്രി ഏകനാഥ് ഷിന്ഡെ ഉള്പ്പെടെയുള്ള എം എല് എമാര്ക്കെതിരായ അയോഗ്യത ഹര്ജികളില് ഡിസംബര് 31 നകം തീരുമാനമെടുക്കാന് മഹാരാഷ്ട്ര നിയമസഭാ സ്പീക്കറോട് നിര്ദേശിച്ച് സുപ്രീം കോടതി. 2024 ഫെബ്രുവരി 29 നകം അയോഗ്യതാ ഹര്ജികളില് നടപടികള് പൂര്ത്തിയാക്കാമെന്ന മഹാരാഷ്ട്ര സ്പീക്കര് രാഹുല് നര്വേക്കറുടെ നിര്ദേശം സുപ്രീം കോടതി നിരസിച്ചു.
അജിത് പവാര് ഗ്രൂപ്പിലെ 9 എം എല് എമാരെ അയോഗ്യരാക്കണമെന്ന എന് സി പി ഹര്ജി 2024 ജനുവരി 31 നകം തീര്പ്പാക്കണമെന്നും സുപ്രീം കോടതി സ്പീക്കറോട് ആവശ്യപ്പെട്ടു. ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ മൂന്നംഗ ബെഞ്ചിന്റേതാണ് നടപടി. എം എല് എമാരെ അയോഗ്യരാക്കണമെന്ന് ആവശ്യപ്പെട്ട് ശിവസേന വിഭാഗങ്ങള് സമര്പ്പിച്ച ഹര്ജികളില് തീര്പ്പുകല്പ്പിക്കാന് സമയ പരിധി നല്കാനുള്ള അവസാന അവസരം ഒക്ടോബര് 17 ന് സുപ്രീം കോടതി രാഹുല് നര്വേക്കറിന് നല്കിയിരുന്നു.
സ്പീക്കര് ഈ ഹര്ജികള് പരിഗണിക്കുന്നതില് വരുത്തുന്ന കാലതാമസത്തില് ചീഫ് ജസ്റ്റിസ് ഡി വൈ ചന്ദ്രചൂഡ് ആശങ്ക പ്രകടിപ്പിച്ചു. സ്പീക്കര്ക്ക് ഇത് പരിഗണിക്കാന് കഴിയുന്നില്ലെങ്കില് തങ്ങള് അവ കേള്ക്കേണ്ട ഘട്ടത്തിലേക്ക് എത്തിയിരിക്കുന്നു എന്ന് ചന്ദ്രചൂഢ് പറഞ്ഞു. പാര്ട്ടികള് തമ്മിലുള്ള നടപടിക്രമ തര്ക്കങ്ങള് അനാവശ്യ കാലതാമസത്തിന് കാരണമാകരുതെന്ന് കോടതി പറഞ്ഞു.
കേസില് ഉള്പ്പെട്ട കക്ഷികള് തെളിവ് സമര്പ്പിക്കാന് ആഗ്രഹിക്കുന്നുണ്ടോയെന്നും ചീഫ് ജസ്റ്റിസ് ചോദിച്ചു. തെളിവുകളുടെ ശേഖരണം ടെന്ഡര് ചെയ്യാന് ഇരുകക്ഷികളും സമ്മതിച്ചു. അതേസമയം മുതിര്ന്ന അഭിഭാഷകന് മുകുള് റോത്തഗി എന് സി പി കേസ് ശിവസേനയില് നിന്ന് വേര്പെടുത്തി പരിഗണിക്കണം എന്ന് നിര്ദ്ദേശിച്ചു. അത് ചീഫ് ജസ്റ്റിസ് അംഗീകരിക്കുകയും ജനുവരി ആദ്യവാരം വാദം കേള്ക്കാന് ഷെഡ്യൂള് ചെയ്യുകയുമായിരുന്നു.
അതിനിടെ എന് സി പിയുടെ ഹര്ജികള് ശിവസേന സമര്പ്പിച്ചതില് നിന്ന് നിയമപരമായി വ്യത്യാസമുണ്ടോ എന്ന പ്രശ്നം ഉയര്ന്നു. എന് സി പിയുടെ ഹര്ജികള് ആറ് മാസമായി തീര്പ്പാക്കാതെ കിടക്കുകയാണെന്നും ഈ സമയത്ത് സ്പീക്കര് നര്വേക്കര് നടപടിയൊന്നും എടുത്തില്ലെന്നും മുതിര്ന്ന അഭിഭാഷകന് കപില് സിബല് വാദിച്ചു. എന് സി പി ഹര്ജികള് തമ്മിലുള്ള നിയമപരമായ വ്യത്യാസങ്ങള് സ്ഥാപിക്കാന് കാര്യമായ വാദങ്ങള് ചീഫ് ജസ്റ്റിസ് ഡി വൈ ചന്ദ്രചൂഡ് അഭ്യര്ത്ഥിച്ചു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google