Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മഹാരാഷ്ട്രയില്‍ അന്ധ വിശ്വാസങ്ങള്‍ക്കെതിരെ നിയമം
നാഗപൂര്‍: അന്ധവിശ്വാസങ്ങള്‍ക്കെതിരെ നിയമ നിര്‍മാണം നടത്തി മഹാരാഷ്ട്ര നിയമസഭ ചരിത്രത്തിന്റെ ഭാഗമാകുന്നു. അന്ധവിശ്വാസ വിരുദ്ധ ബില്‍ മഹാരാഷ്ട്ര നിയമസഭ പാസാക്കി. ഇനി നിയമസഭ കൗണ്‍സില്‍ കൂടി പാസാക്കിയാല്‍ ബില്ലിന് നിയസാധുതതയാകും.
യുക്തിവാദിയായ ഡോ.നരേന്ദ്ര ദബോല്‍ക്കര്‍ ആയിരുന്നു ബില്‍ പാസാക്കാന്‍ ഏറെ പ്രയത്‌നിച്ചിരുന്നത്. എന്നാല്‍ ഇദ്ദേഹത്തെ അക്രമികള്‍ വെടിവച്ച് കൊല്ലുകയായിരുന്നു. ഏറെ നാളായി പൂഴ്ത്തിവച്ചിരുന്ന ബില്‍ വീണ്ടും സജീവ ചര്‍ച്ചയാകാന്‍ കാരണം ദബോല്‍ക്കറുടെ കൊലപാതകം ആയിരുന്നു.
ബില്‍ ഏറെ ദുരുപയോഗം ചെയ്യപ്പെടാന്‍ ഇടയുണ്ടെന്നാണ് ബിജെപി പറയുന്നത്. മുമ്പ് ഒരു തവണ അന്ധവിശ്വാസ നിരോധന ബില്‍ നിയമസഭയില്‍ അവതരിപ്പിച്ചെങ്കിലും ശിവസേനയുടെ എതിര്‍പ്പിനെ തുടര്‍ന്ന് പക്ഷെ തുടര്‍ നടപടികളൊന്നും നടന്നില്ല.
എന്നാല്‍ ഇപ്പോള്‍ അവതരിപ്പിക്കപ്പെട്ട ബില്‍ ദബോല്‍ക്കറുടെ ആവശ്യങ്ങളോട് അല്‍പം പോലും നീതി പുലര്‍ത്തുന്നതല്ലെന്ന് ആക്ഷേപം ഉയര്‍ന്നിട്ടുണ്ട്. യഥാര്‍ത്ഥ ബില്ലിലെ കാതലായ നിര്‍ദ്ദേശങ്ങള്‍ നീക്കിയാണ് ബില്‍ അവതരിപ്പിച്ചിരിക്കുന്നത്.
അന്ധ്വിശ്വാസങ്ങളുടെ ഭാഗമായി ഉണ്ടാകുന്ന സാമൂഹ്യ പ്രശ്‌നങ്ങളിലോ കുറ്റ കൃത്യങ്ങളിലോ ഇരക്കോ, അവരുടെ കുടംബാംഗങ്ങള്‍ക്കോ അല്ലാതെ മറ്റാര്‍ക്കും പരാതിപ്പെടാന്‍ ആകില്ലെന്നാണ് ബില്ലില്‍ വിയവസ്ഥ ചെയ്തിരിക്കുന്നത്. ഇത് കൊണ്ട് സമൂഹത്തില്‍ ഒരു മാറ്റത്തിനും വഴിവെക്കില്ലെന്നും ആക്ഷേപം ഉണ്ട്.
