കരുത്തുകാട്ടി ഷിന്ഡെയും ബിജെപിയും; രാഹുല് നര്വേക്കര് നിയമസഭാ സ്പീക്കര്
മുംബൈ: ബി ജെ പി എം എല് എ രാഹുല് നര്വേക്കര് മഹാരാഷ്ട്രയില് നിയമസഭാ സ്പീക്കറായി തിരഞ്ഞെടുക്കപ്പെട്ടു. 164 പേരാണ് രാഹുല് നര്വേക്കറിനെ പിന്തുണച്ചത്. 2021 ഫെബ്രുവരിയില് കോണ്ഗ്രസ് പാര്ട്ടിയിലെ നാനാ പടോലെ രാജിവച്ചതു മുതല് ഈ സ്ഥാനം ഒഴിഞ്ഞുകിടക്കുകയായിരുന്നു.
ഡെപ്യൂട്ടി സ്പീക്കര് നര്ഹരി സിര്വാള് തെരഞ്ഞെടുപ്പില് താല്ക്കാലിക സ്പീക്കറായി പ്രവര്ത്തിച്ചു. സ്പീക്കര് തെരഞ്ഞെടുപ്പില് ശിവസേന-എന്സിപി-കോണ്ഗ്രസ് സഖ്യത്തിന്റെ സ്ഥാനാര്ത്ഥിയായിരുന്ന ഉദ്ധവ് താക്കറെയുടെ വിശ്വസ്തനായ രാജന് സാല്വിയെ പരാജയപ്പെടുത്തിയാണ് രാഹുല് നര്വേക്കര് സ്പീക്കറായി തെരഞ്ഞെടുക്കപ്പെട്ടത്.
ഷഫ്നയാണ്...സാരിയിലാണ്...ചുമ്മാ പൊളിക്കുകയാണ്...; വൈറല് ചിത്രങ്ങള്
ശിവസേനയുടെ വിമത എംഎല്എമാര് ക്യാമ്പ് ചെയ്തിരുന്ന ഗോവയില് നിന്ന് ശനിയാഴ്ചയാണ് ഏകനാഥ് ഷിന്ഡെയും അദ്ദേഹത്തിന്റെ എം എല് എമാരും മുംബൈയിലെത്തിയത്.
'സ്വപ്നയ്ക്ക് വേണ്ടി സംസാരിക്കാന് പിസി ജോര്ജ് പറഞ്ഞു, അത്ര മണ്ടി അല്ല ഞാന്'; പരാതിക്കാരി
107 വോട്ടുകളാണ് ശിവസേനാ സ്ഥാനാര്ത്ഥി രാജന് സാല്വിക്ക് ലഭിച്ചത്. എം എല് എമാര് സഭയില് എഴുന്നേറ്റ് നിന്ന് വോട്ട് രേഖപ്പെടുത്തുന്ന രീതിയിലാണ് തെരഞ്ഞെടുപ്പ് ക്രമീകരിച്ചത്. മുഖ്യമന്ത്രി ഏക്നാഥ് ഷിന്ഡേയാണ് ആദ്യ വോട്ട് രേഖപ്പെടുത്തിയത്. ഇതിന് പിന്നാലെ ഉപമുഖ്യമന്ത്രി ദേവേന്ദ്ര ഫഡ്നാവിസ് ആണ് വോട്ട് ചെയ്തത്.
എം എന് എസ്, ബഹുജന് വികാസ് അഘാഡി എന്നിവരുടെ വോട്ടും രാഹുല് നര്വേക്കര്ക്ക് ആണ് ലഭിച്ചത്. ഈ രണ്ട് കക്ഷികളും നിലവില് എന് ഡി എയില് സഖ്യകക്ഷികളല്ല. ശിവസേനയുടെ 38 വിമത എം എല് എമാരുടെ വോട്ടും ബി ജെ പിക്കാണ് ലഭിച്ചത്.
സി പി ഐ എം എം എല് എ വിനോദ് നിക്കോളെ ശിവസേന സ്ഥാനാര്ഥിക്ക് വോട്ട് ചെയ്തു. കൊളാബ മണ്ഡലത്തില് നിന്ന് ജയിച്ച് നിയമസഭയിലെത്തിയ എം എല് എയാണ് രാഹുല് നര്വേക്കര്. ആദ്യ അങ്കത്തില് സ്പീക്കരുമായി. ശിവസേനയില് നിന്ന് പിരിഞ്ഞ് ബി ജെ പി പിന്തുണയോടെയാണ് നര്വേക്കര് കൊളാബയില് ജനവിധി തേടിയിരുന്നത്.
ബി ജെ പി പിന്തുണയോടെ ഏക്നാഥ് ഷിന്ഡേ സര്ക്കാര് അധികാരത്തിലേറിയ ശേഷമുള്ള പ്രത്യേക നിയമസഭാ സമ്മേളനമാണ് ഇന്ന് നടന്നത്. വിമത എം എല് എമാരില് ഒരു വിഭാഗത്തിന്റെ പിന്തുണ ഉണ്ടാകുമെന്നാണ് ശിവസേന ക്യാമ്പ് പ്രതീക്ഷിച്ചിരുന്നത്.