Click it and Unblock the Notifications
Just In
Don't Miss
-
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള് -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഭരണഘടന അപകടത്തിലെന്ന് മന്‍മോഹന്‍ സിങ്; മോദി സര്‍ക്കാര്‍ എല്ലാം ലംഘിക്കുന്നു
ദില്ലി: ഭരണഘടനാ ദിനമായ ഇന്ന് കേന്ദ്രസര്‍ക്കാരിനെതിരെ ശക്തമായ ഭാഷയില്‍ പ്രതികരണവുമായി മുന്‍ പ്രധാനമന്ത്രി മന്‍മോഹന്‍ സിങ്. ഭരണഘടന അപകടകരമായ അവസ്ഥയിലാണെന്നും സുരക്ഷിതമായ കൈകളില്‍ അല്ല ഭരണഘടനയുള്ളതെന്നും മന്‍മോഹന്‍ സിങ് പറഞ്ഞു. ഭരണഘടനാ ദിനത്തില്‍ പാര്‍ലമെന്റ് നടപടികള്‍ ബഹിഷ്‌കരിച്ച ശേഷം മാധ്യമങ്ങളുമായി സംസാരിക്കുകയായിരുന്നു മന്‍മോഹന്‍ സിങ്.
പാര്‍ലമെന്റിന്റെ സംയുക്ത സമ്മേളനം പ്രതിപക്ഷം ബഹിഷ്‌കരിച്ചു. ഇത് ഭരണഘടനാ വിരുദ്ധമായ നീക്കമല്ലെന്നും മോദി സര്‍ക്കാര്‍ ഭരണഘടനയുടെ എല്ലാ മാനദണ്ഡങ്ങളും ലംഘിച്ചാണ് പ്രവര്‍ത്തിക്കുന്നതെന്നു എല്ലാവരെയും ഓര്‍മിപ്പിക്കാന്‍ വേണ്ടിയാണിതെന്നും മന്‍മോഹന്‍ സിങ് പറഞ്ഞു. ഇക്കാര്യം എല്ലാവരും ഓര്‍ക്കണം. മഹാരാഷ്ട്രയില്‍ നടന്ന കാര്യങ്ങള്‍ എന്താണെന്ന് നാം കണ്ടുവെന്നും മന്‍മോഹന്‍ സിങ് പറഞ്ഞു.
നേരത്തെ സാമ്പത്തിക പ്രതിസന്ധിയുടെ സാഹചര്യത്തില്‍ മോദി സര്‍ക്കാരിനെതിരെ മന്‍മോഹന്‍ രംഗത്തുവന്നിരുന്നു. സര്‍ക്കാരിന്റെ തെറ്റായ നയങ്ങളാണ് രാജ്യത്തെ പ്രതിസന്ധിയിലാക്കുന്നതെന്നാണ് അദ്ദേഹം പറഞ്ഞത്. എന്നാല്‍ ഇതിനെതിരെ രംഗത്തുവന്ന ധനമന്ത്രി നിര്‍മല സീതാരാമന്‍ മുന്‍ സര്‍ക്കാര്‍ വരുത്തിവച്ച വിനയാണിതെന്നാണ് പ്രതികരിച്ചത്.
മഹാരാഷ്ട്രയിലെ രാഷ്ട്രീയ സാഹചര്യങ്ങള്‍ സൂചിപ്പിച്ചാണ് മന്‍മോഹന്‍ സിങ് ഇന്ന് പ്രസ്താവന നടത്തിയത്. മഹാരാഷ്ട്ര വിഷയത്തില്‍ ശക്തമായ പ്രതിഷേധമാണ് കോണ്‍ഗ്രസ് പാര്‍ലമെന്റിലും പുറത്തും നടത്തിവരുന്നത്. തിങ്കളാഴ്ച പ്രതിഷേധിച്ച കോണ്‍ഗ്രസ് അംഗങ്ങള്‍ക്ക് നേരെ സ്പീക്കര്‍ ഓം ബിര്‍ള നടപടി സ്വീകരിച്ചിരുന്നു. രമ്യ ഹരിദാസ് ഉള്‍പ്പെടെയുള്ള വനിതാ എംപിമാര്‍ക്ക് നേരെ പുരുഷ മാര്‍ഷലുകളുടെ കൈയ്യേറ്റമുണ്ടായി എന്ന് സോണിയ ഗാന്ധി ആരോപിക്കുകയും ചെയ്തു.
