Click it and Unblock the Notifications
Just In
Don't Miss
-
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
IPL 2024: പാണ്ഡ്യ എങ്ങനെ ക്യാപ്റ്റനായെന്ന് നമ്മള് മറക്കില്ല, അവന്റെ കുഞ്ഞിനോടും പറയും; ആരാധകര്ക്കെതിരെ അക്രം -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഞങ്ങളുടെ 162 എംഎല്‍എമാര്‍ ഇതാ ഇവിടെ ഹോട്ടലില്‍; സംഗമം ഗവര്‍ണര്‍ വന്നു കാണണമെന്ന് ശിവസേന
മുംബൈ: ബിജെപിക്കാണോ ത്രികക്ഷി സഖ്യത്തിനാണോ മഹാരാഷ്ട്രയില്‍ അംഗബലം കൂടുതല്‍? സര്‍ക്കാര്‍ രൂപീകരിക്കാന്‍ ആര്‍ക്കാണ് അര്‍ഹത. ഈ ചോദ്യങ്ങള്‍ക്ക് ഉത്തരം ലഭിക്കാന്‍ ഇനി അധികനേരം വേണ്ടിവരില്ല. സുപ്രീംകോടതി ചൊവ്വാഴ്ച രാവിലെ 10.30ന് മഹാരാഷ്ട്ര ഹര്‍ജികളില്‍ വിധി പറയും. അതിന് മുന്നോടിയായി തങ്ങള്‍ക്കാണ് ഐക്യവും ശക്തിയുമെന്ന് തെളിയിക്കുകയാണ് ശിവസേന-എന്‍സിപി-കോണ്‍ഗ്രസ് സഖ്യം.
162 എംഎല്‍എമാര്‍ തങ്ങള്‍ക്കൊപ്പമുണ്ടെന്നും മുംബൈയിലെ ഹോട്ടല്‍ ഹയാത്തില്‍ ഇന്ന് വൈകീട്ട് ഏഴിന് എംഎല്‍എമാരുടെ സംഗമം നടക്കുമെന്നും ശിവസേനാ നേതാവ് സഞ്ജയ് റാവത്ത് അറിയിച്ചു. മഹാരാഷ്ട്ര ഗവര്‍ണര്‍ ഭഗത് സിങ് കോശ്യാരിയെ ഹോട്ടലിലേക്ക് ക്ഷണിക്കുകയും ചെയ്തു അദ്ദേഹം.
ബിജെപിയും എന്‍സിപി നേതാവ് അജിത് പവാറും ചേര്‍ന്ന് സര്‍ക്കാര്‍ രൂപീകരണത്തിന് അവകാശവാദം ഉന്നയിച്ചുവെന്നും അതുകൊണ്ടാണ് രാഷ്ട്രപതി ഭരണം പിന്‍വലിച്ചതും ബിജെപിയെ സര്‍ക്കാര്‍ രൂപീകരിക്കാന്‍ ക്ഷണിച്ചതുമെന്നുമാണ് രാജ്ഭവന്‍ സുപ്രീംകോടതിയെ അറിയിച്ചത്. ഇതുമായി ബന്ധപ്പെട്ട രേഖകളും കത്തും സുപ്രീംകോടതിയില്‍ ഹാജരാക്കി.
എല്ലാ വിഭാഗത്തിന്റെയും വാദം കേട്ട കോടതി ചൊവ്വാഴ്ച രാവിലെ വിധി പറയാന്‍ മാറ്റി. ഫലത്തില്‍ ബിജെപിക്ക് സര്‍ക്കാര്‍ രൂപീകരിക്കുന്നതിന് അംഗങ്ങളുടെ പിന്തുണ ഉറപ്പിക്കാന്‍ ഇനിയും മണിക്കൂറുകള്‍ കിട്ടുകയും ചെയ്തു. എങ്കിലും തങ്ങള്‍ക്കാണ് ഭൂരിപക്ഷം എന്ന് തെളിയിക്കുകയാണ് ശിവസേന. എന്‍സിപി-ശിവസേന-കോണ്‍ഗ്രസ് എംഎല്‍എമാര്‍ വൈകീട്ട് ആദ്യമായി ഒരു ഹോട്ടലില്‍ സംഗമിക്കുകയാണ്.
