കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മലൈക, അര്‍ബാസ് ഖാന്‍ വിവാഹ മോചനത്തിന് പിന്നില്‍

  • By Anwar Sadath
Google Oneindia Malayalam News

മുംബൈ: ബോളിവുഡ് ദമ്പതികളായ മലൈക ഖാനും ഭര്‍ത്താവ് അര്‍ബാസ് ഖാനും 18 വര്‍ഷം നീണ്ട കരിയറിന് അവസാനമിടുകയാണെന്ന് കഴിഞ്ഞ ദിവസങ്ങളിലാണ് മാധ്യമങ്ങളില്‍ വാര്‍ത്തയായത്. ഇതിന് പിന്നാലെ മലൈക ഭര്‍ത്താവില്‍ നിന്നും വിവാഹമോചനം ആവശ്യപ്പെട്ട് കേസ് ഫയല്‍ ചെയ്യുകയും ചെയ്തിട്ടുണ്ട്.

ഇവരുടെ വിവാഹമോചനത്തെക്കുറിച്ച് പല കഥകളും ബോളിവുഡ് മാധ്യമങ്ങളില്‍ പ്രചരിക്കുന്നുണ്ട്. ഏറ്റവും ഒടുവിലായി പുറത്തുവരുന്ന ഒരു റിപ്പോര്‍ട്ടില്‍ പറയുന്നത് ഇരുവരും തമ്മിലുള്ള സാമ്പത്തിക പിണക്കത്തെക്കുറിച്ചാണ്. ബോളിവുഡില്‍ ശോഭിക്കാന്‍ കഴിയാതിരുന്ന അര്‍ബാസ് ഖാന്‍ സാമ്പത്തികമായി തകര്‍ന്നതാണ് വിവാഹമോചനത്തിന്റെ പ്രധാന കാരണമെന്ന് റിപ്പോര്‍ട്ട് പറയുന്നു.

malaika

മകന്റെ സ്‌കൂള്‍ ഫീസ് ഉള്‍പ്പെടെയുള്ള വീട്ടുചിലവുകള്‍ മലൈകയാണ് കൈകാര്യം ചെയ്യുന്നത്. ബോളിവുഡിലും സ്‌റ്റേജ് ഷോകളിലും നര്‍ത്തകിയായും മോഡലായും പേരെടുത്ത മലൈകയ്ക്ക് സാമാന്യം നല്ല വരുമാനമുണ്ട്. വിവിധ ബ്രാന്‍ഡുകളുമായി മലൈകയ്ക്ക് ദീര്‍ഘനാളത്തെ കരാറുണ്ട്. എന്നാല്‍, അര്‍ബാര്‍ ഖാന്‍ ബോളിവുഡില്‍ നിന്നും ഏറെക്കുറെ പുറംന്തള്ളപ്പെട്ട നിലയിലാണ്.

സാമ്പത്തികമായി കുടുംബത്തെ സഹായിക്കാന്‍ കഴിയാത്ത ഭര്‍ത്താവില്‍ മലൈക അസംതൃപ്തയാകുന്നത് സ്വാഭാവികമാണെന്ന് ബോളിവുഡ് റിപ്പോര്‍ട്ടിലുണ്ട്. പ്രായം അമ്പത് കഴിഞ്ഞിട്ടും ബോളിവുഡില്‍ കോടികള്‍ വാരുന്ന താരമാണ് അര്‍ബാസിന്റെ ഇളയ സഹോദരന്‍ സല്‍മാന്‍ ഖാന്‍. സല്‍മാന്‍ ഖാന്റെ നിഴലിലായിരുന്നു സൊഹൈല്‍ ഖാനും അര്‍ബാസ് ഖാനും. ഇരുവര്‍ക്കും സിനിമകളില്‍ ശോഭിക്കാന്‍ കഴിഞ്ഞില്ല.

English summary
Malaika, Arbaaz Khan divorce- what went wrong
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X