ലോക ജൂനിയര് ചെസ് ചാമ്പ്യന്ഷിപ്പില് മലയാളി താരത്തിന് നേട്ടം
ഭുവനേശ്വര്: ലോക ജൂനിയര് ചെസ് ചാമ്പ്യന്ഷിപ്പില് എസ്എല് നാരായണന് വെങ്കലം. ഭുനേശ്വരില് നടന്ന ജൂനിയര് ചാമ്പ്യന്ഷിപ്പിലാണ് നേട്ടം. ഈ നേട്ടത്തിലെത്തുന്ന ആദ്യ മലയാളി താരമാണ് ഇദ്ദേഹം.
തിരുവനന്തപുരം സ്വദേശിയാണ് നാരായണന്. കരിയറിലെ ഏറ്റവും വലിയ നേട്ടമെന്ന് നാരായണന് പ്രതികരിച്ചു. മികച്ച പ്രകടനം തുടരാന് ആത്മവിശ്വാസം തരുന്നതാണ് ഈ നേട്ടമെന്നും നാരായണന് പറഞ്ഞു.
ജൂനിയര് തലത്തില് മെഡല് നേടുന്ന ഏഴാമത്തെ ഇന്ത്യന് താരം കൂടിയാണ് നാരായണന്. ആനന്ദ്, അഭിജിത്ത്, ഹരികൃഷ്ണന് എന്നിവര്ക്കും മെഡലുകളുണ്ട്. പെണ്കുട്ടികളുടെ വിഭാഗത്തിന് മൂന്നു പേരും മെഡല് നേടിയിട്ടുണ്ട്.
Click it and Unblock the Notifications
Sign in with Google