മല്ലിക ഷെരാവത്ത് പാടി; ഹാപ്പീ ബര്ത്ത്ഡേ മോഡീ
അഹമ്മദാബാദ്: അറുപത്തിമൂന്നാം ജന്മദിനത്തില് ബി ജെ പിയുടെ പ്രധാനമന്ത്രി സ്ഥാനാര്ത്ഥി നരേന്ദ്രമോഡിക്ക് നിനച്ചിരിക്കാതെ ഒരു സമ്മാനം. ബോളിവുഡ് സുന്ദരിയായ മല്ലിക ഷെരാവത്താണ് മോഡിക്ക് ജന്മദിനത്തില് ആശംസകളോടെ ഒരു പാട്ട് പാടി സമര്പ്പിച്ചിരിക്കുന്നത്. മര്ലിന് മണ്റോയുടെ 'ഹാപ്പി ബര്ത്ത് ഡേ പ്രസിഡണ്ട്' എന്ന പാട്ടിന്റെ ചുവടുപിടിച്ചാണ് മല്ലിക മോഡിക്ക് വേണ്ടി 'ഹാപ്പി ബര്ത്ത്ഡേ മോഡിജീ പാടിയത്.
പാടുകമാത്രമല്ല, തന്റെ ആരാധകര്ക്കായി പാട്ടിന്റെ യൂട്യൂബ് ലിങ്കും മല്ലിക ഷെരാവത്ത് ട്വിറ്ററില് പോസ്റ്റ് ചെയ്തു. പത്ത് ലക്ഷത്തിലധികം വരും ട്വിറ്ററില് മല്ലിക ഷെരാവത്തിന്റെ ഫോഴോവേഴ്സ്.തന്റെ ചൂടന് ചിത്രങ്ങള് ട്വിറ്ററിലൂടെ ആരാധകര്ക്കായി എത്തിക്കുന്നതിലും പ്രശസ്തയാണ് മല്ലിക. നേരത്തെ ഇന്ത്യയിലെ മോസ്റ്റ് എലിജിബിള് ബാച്ചിലറായി മല്ലിക ഷെരാവത്ത് നരേന്ദ്രമോഡിയെ തിരഞ്ഞെടുത്തതും വാര്ത്തയായിരുന്നു.
ഇന്ത്യയിലെ മോസ്റ്റ് എലിജിബിള് ബാച്ചിലര്ക്ക് ജന്മദിനാശംസകള് അയക്കാനായി മല്ലിക പാടിയതിങ്ങനെ. 'ഹാപ്പി ബര്ത്ത് ഡേ ടൂ യൂ. ഹാപ്പി ബര്ത്ത് ഡേ നരേന്ദ്രജി, ഹാപ്പി ബര്ത്ത് ഡേ നരേന്ദ്ര മോഡിജി, ഹാപ്പി ബര്ത്ത് ഡേ നരേന്ദ്രജി'. ലൈഫ് ഓക്കെ ചാനലിന്റെ ദി ബാച്ചിലറേറ്റ് ഇന്ത്യ മേരേ ഖയലോന് കി മല്ലിക എന്ന ടി വി റിയാലിറ്റി ഷോ അവതരിപ്പിക്കാന് ഒരുങ്ങുകയാണ് മല്ലിക.
1962 ലാണ് അമേരിക്കന് പ്രസിഡണ്ട് ജോണ് കെന്നഡിക്ക് വേണ്ടി ഹോളിവുഡ് താരമായ മര്ലിന് മണ്റോ 'ഹാപ്പി ബര്ത്ത് ഡേ പ്രസിഡണ്ട്' പാടിയത്. പ്രസിഡണ്ട് കെന്നഡിയുടെ നാല്പ്പത്തഞ്ചാം ജന്മദിനത്തിലായിരുന്നു അത്.