ചുമതലയേറ്റെടുത്ത് ഖാര്ഗെ; പ്രവര്ത്തകസമിതി അംഗങ്ങളും ജനറല് സെക്രട്ടറിമാരും രാജിവെച്ചു, ഇനി പുതിയ ടീം
ന്യൂദല്ഹി: എ ഐ സി സി അധ്യക്ഷനായി മല്ലികാര്ജുന് ഖാര്ഗെ ചുമതലയേറ്റെടുത്തു. 24 വര്ഷത്തിന് ശേഷം ആദ്യമായാണ് ഗാന്ധി കുടുംബത്തിന് പുറത്ത് നിന്നൊരാള് കോണ്ഗ്രസ് അധ്യക്ഷ പദവിയിലെത്തുന്നത്. ഹിമാചല് പ്രദേശ്, ഗുജറാത്ത് നിയമസഭാ തെരഞ്ഞെടുപ്പ് അടുത്തിരിക്കെ നിറയെ വെല്ലുവിളി നിറഞ്ഞ കാലത്തിലാണ് ഖാര്ഗെ എ ഐ സി സി അധ്യക്ഷനാകുന്നത്.
2023 ല് ഒമ്പത് സംസ്ഥാനങ്ങളിലേക്കും 2024 ല് ലോക്സഭാ തെരഞ്ഞെടുപ്പും ഉള്ളതിനാല് മുന്നോട്ടുള്ള വഴി മല്ലികാര്ജ്ജുന് ഖാര്ഗെയ്ക്ക് വെല്ലുവിളി നിറഞ്ഞതായിരിക്കും എന്ന് ഉറപ്പാണ്. അതേസമയം സമവായവും കൂടിയാലോചനയും ആയിരിക്കും തന്റെ നേതൃത്വ തന്ത്രം എന്ന് മല്ലികാര്ജ്ജുന് ഖാര്ഗെ വ്യക്തമാക്കിയിട്ടുണ്ട്.
അതേസമയം പുതിയ ഭാരവാഹികള് ചുമതലയേല്ക്കുന്നതിന്റെ ഭാഗമായി പ്രവര്ത്തക സമിതി അംഗങ്ങളും എ ഐ സി സി ജനറല് സെക്രട്ടറിമാരും രാജിവെച്ചിട്ടുണ്ട്. പുതിയ അധ്യക്ഷന്റെ നേതൃത്വത്തിലുള്ള പുതിയ അംഗങ്ങളെ മല്ലികാര്ജ്ജുന് ഖാര്ഗെ ഉടന് നിയമിക്കും.ഇന്നലെ മുന് പ്രധാനമന്ത്രി മന്മോഹന് സിംഗുമായി അദ്ദേഹത്തിന്റെ വസതിയില് കൂടിക്കാഴ്ച നടത്തിയിരുന്നു.
ഇന്ന് രാവിലെ മഹാത്മാഗാന്ധിയുടെ സ്മാരകമായ രാജ്ഘട്ടില് എത്തിയ മല്ലികാര്ജ്ജുന് ഖാര്ഗെ ആദരാഞ്ജലി അര്പ്പിച്ചു. മുന് പ്രധാനമന്ത്രിമാരായ ജവഹര്ലാല് നെഹ്റു, ലാല് ബഹദൂര് ശാസ്ത്രി, ഇന്ദിരാഗാന്ധി, രാജീവ് ഗാന്ധി, മുന് ഉപപ്രധാനമന്ത്രി ജഗ്ജീവന് റാം എന്നിവരുടെ സ്മാരകങ്ങളും അദ്ദേഹം സന്ദര്ശിച്ചു.
അധ്യക്ഷ സ്ഥാനത്തേക്കുള്ള തെരഞ്ഞെടുപ്പില് തിരുവനന്തപുരം എം പി ശശി തരൂരിനെ പരാജയപ്പെടുത്തിയാണ് മല്ലികാര്ജ്ജുന് ഖാര്ഗെ തെരഞ്ഞെടുക്കപ്പെട്ടത്. ആഴ്ചകള്ക്കുള്ളില് ആരംഭിക്കാനിരിക്കുന്ന ഹിമാചല്പ്രദേശ് തെരഞ്ഞെടുപ്പാണ് ഖാര്ഗെയ്ക്ക മുന്നിലെ ആദ്യ കടമ്പ. അത് കഴിഞ്ഞാല് ഈ വര്ഷം തന്നെ ഗുജറാത്തിലും തെരഞ്ഞെടുപ്പുണ്ട്.
ഈ സംസ്ഥാനങ്ങളില് ബി ജെ പിയുമായി നേരിട്ട് ഏറ്റുമുട്ടുന്നതിനാല് മല്ലികാര്ജ്ജുന് ഖാര്ഗെയുടെ നേതൃത്വം എന്ത് മാജിക്കാണ് സമ്മാനിക്കാന് പോകുന്നത് എന്ന് കാത്തിരുന്ന് കാണണം. പാര്ലമെന്ററി രംഗത്ത് ചരിത്രത്തിലെ ഏറ്റവും താഴ്ന്ന നിലയിലാണ് എട്ട് വര്ഷത്തോളമായി കോണ്ഗ്രസ്. നിലവില് രാജസ്ഥാനിലും ഛത്തീസ്ഗഡിലും മാത്രമാണ് കോണ്ഗ്രസ് അധികാരത്തിലുള്ളത്.
തമിഴ്നാട്ടിലെ ഡി എം കെ സര്ക്കാരിലും ജാര്ഖണ്ഡിലെ ജാര്ഖണ്ഡ് മുക്തി മോര്ച്ചയുടെ സര്ക്കാരിലും ബീഹാറിലെ മഹാസഖ്യ സര്ക്കാരിലും കോണ്ഗ്രസ് ഭാഗമാണ്. കേരളവും കര്ണാടകയും അടക്കമുള്ള ശക്തിദുര്ഗങ്ങളിലും കോണ്ഗ്രസ് തിരിച്ചടി നേരിട്ടിരിക്കുകയാണ്. ഈ സാഹചര്യത്തില് പാര്ട്ടിയെ കരകയറ്റാന് ഭഗീരഥ പ്രയത്നം തന്നെ കോണ്ഗ്രസിന് നടത്തേണ്ടി വരും.
ഗുജറാത്ത്, ഹിമാചല് പ്രദേശ് നിയമസഭാ തിരഞ്ഞെടുപ്പ് കഴിഞ്ഞാല് 2023 ല് ഒമ്പത് സംസ്ഥാനങ്ങളിലേക്കുള്ള തെരഞ്ഞെടുപ്പ് നടക്കും. ഭരണമുള്ള രാജസ്ഥാനും, ഛത്തീസ്ഗഢും ഖാര്ഗെയുടെ സ്വന്തം സംസ്ഥാനമായ കര്ണാടകയും ഈ ഘട്ടത്തില് തെരഞ്ഞെടുപ്പിലേക്ക് കടക്കും. ഇതിന് ശേഷം 2024 ലെ ലോക്സഭാ തെരഞ്ഞെടുപ്പിനും കളമൊരുങ്ങും.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google