ചെങ്കോട്ടയില് മോദിയുടെ പ്രസംഗം: ക്ഷണിച്ചിട്ടും വരാതെ ഖാര്ഗെ; മുന് പ്രധാനമന്ത്രിമാര്ക്ക് പ്രശംസ
ന്യൂഡല്ഹി: രാജ്യം 77ാം സ്വാതന്ത്ര്യദിനം ആഘോഷിക്കുമ്പോള് കേന്ദ്ര സര്ക്കാരും പ്രതിപക്ഷവും തമ്മിലുള്ള പ്രത്യയശാസ്ത്ര പോരാട്ടം ശക്തമാകുന്നു. മോദിയുടെ പ്രസംഗത്തിന് വേദിയായ ചെങ്കോട്ടയിലേക്ക് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയെ ക്ഷണിച്ചെങ്കിലും അദ്ദേഹം വന്നിട്ടില്ല. അദ്ദേഹം വിട്ടുനിന്നുവെന്നാണ് റിപ്പോര്ട്ട്. അതിലുപരി ശക്തമായ സന്ദേശമാണ് അദ്ദേഹം ഇന്ന് ബിജെപിക്ക് നല്കിയത്.
മുന് പ്രധാനമന്ത്രിമാരെ അനുസ്മരിച്ചാണ് ഖാര്ഗെ കേന്ദ്രത്തെ രൂക്ഷമായി വിമര്ശിച്ചത്. മല്ലികാര്ജുന് ഖാര്ഗെയുടെ പേരെഴുതിയ കസേര ഒഴിഞ്ഞു കിടക്കുന്ന ചിത്രങ്ങളും പുറത്തുവന്നിട്ടുണ്ട്. അദ്ദേഹത്തിന് സുഖമില്ലാതിരുന്നത് കൊണ്ടാണ് വരാതിരുന്നതെന്നാണ കോണ്ഗ്രസ് ഇതിന് കാരണമായി വിശദീകരിച്ചിരിക്കുന്നത്. അതേസമയം സ്വാതന്ത്ര്യദിനത്തില് വീഡിയോയിലൂടെ അദ്ദേഹം ആശംസ അറിയിക്കുകയും ചെയ്തു.
സ്വാതന്ത്ര്യ സമരത്തിലെ ഇതിഹാസങ്ങളായ മഹാത്മാ ഗാന്ധി, ജവഹര്ലാല് നെഹ്റു, സര്ദാര് വല്ലഭ്ഭായ് പട്ടേല്, നേതാജി സുഭാഷ് ചന്ദ്ര ബോസ്, മൗലാന ആസാദ്, രാജേന്ദ്ര പ്രസാദ്, സരോജിനി നായിഡു, ബിആര് അംബേദ്കര് എന്നിവരുടെ സംഭാവനകളെ അദ്ദേഹം അനുസ്മരിക്കുകയും ചെയ്തു. ഇന്ത്യയുടെ പ്രഥമ പ്രധാനമന്ത്രി ജവഹര്ലാല് നെഹ്റുവിന്റെ സംഭാവനകളെ പ്രത്യേകമായി ഖാര്ഗെ അനുസ്മരിപ്പിച്ചു.
കോണ്ഗ്രസിന്റെ പ്രധാനമന്ത്രിമാരായ ഇന്ദിരാ ഗാന്ധി, ലാല് ബഹാദൂര് ശാസ്ത്രി, രാജീവ് ഗാന്ധി, പിവി നരസിംഹ റാവു, മന്മോഹന് സിംഗ്, എന്നിവരുടെ നേട്ടങ്ങളും അദ്ദേഹം എടുത്ത് പറഞ്ഞു. ഒപ്പം ബിജെപിയുടെ പ്രധാനമന്ത്രി അടല് ബീഹാരി വാജ്പേയെയും ഖാര്ഗെ അനുസ്മരിച്ചു.എല്ലാ പ്രധാനമന്ത്രിമാരും രാജ്യത്തിന്റെ പുരോഗതിക്ക് സംഭാവന ചെയ്തവരാണ്. എന്നാല് ഇന്ന് ചിലര് കഴിഞ്ഞ കുറച്ച് വര്ഷങ്ങള് കൊണ്ടാണ് രാജ്യം പുരോഗതി നേടിയതെന്ന് സ്ഥാപിക്കാനുള്ള ശ്രമത്തിലാണെന്ന് മോദിയെ പരോക്ഷമായി വിമര്ശിച്ച് ഖാര്ഗെ പറഞ്ഞു.
അടല് ബിഹാരി വാജ്പേയ് അടക്കം എല്ലാ പ്രധാനമന്ത്രിമാരും രാജ്യത്തിന്റെ വികസനത്തിനായി നിരവധി കാര്യങ്ങള് ചെയ്തിട്ടുണ്ട്. ഇന്ന് ജനാധിപത്യം, ഭരണഘടന, ഭരണഘടനാ സ്ഥാപനങ്ങള് എന്നിവയെല്ലാം ഭീഷണി നേരിടുകയാണെന്ന് വളരെ വേദനയോടെയാണ് ഞാന് പറയുന്നത്. പുതിയ മാര്ഗങ്ങല് ഉപയോഗിച്ച് പ്രതിപക്ഷ ശബ്ദത്തെ അടിച്ചമര്ത്താന് നോക്കുകയാണ്. സിബിഐ, ഇഡി, ആദായ നികുതി റെയ്ഡുകള്, തെരഞ്ഞെടുപ്പ് കമ്മീഷന് എന്നിവയെല്ലാം ദുര്ബലമായിരിക്കുകയാണ്.
പ്രതിപക്ഷ എംപിമാര് സസ്പെന്ഡ് ചെയ്യപ്പെടുന്നു. അവരുടെ മൈക്കുകള് പാര്ലമെന്റില് നിശബ്ദമാക്കുന്നു, പ്രസംഗങ്ങള് നീക്കം ചെയ്യുന്നുവെന്നും ഖാര്ഗെ ആരോപിച്ചു. ഇന്ത്യയെ സ്വയം പര്യാപത്മാക്കിയത് ലാല് ബഹാദൂര് ശാസ്ത്രിയുടെയും, ഇന്ദിര ഗാന്ധിയുടെയും നയങ്ങളാണ്. മഹാന്മാരായ നേതാക്കള് ഒരിക്കലും പഴയ ചരിത്രം മായ്ച്ച്, പുതിയതുണ്ടാക്കാന് നോക്കില്ല. അവര് എല്ലാത്തിന്റെയും പേരുകള് മാറ്റിയെഴുതുകയാണ്.
അടിസ്ഥാന സൗകര്യ പദ്ധതികള് അടക്കം അതില് വരും. ഏകാധിപത്യത്തിലൂടെ അവര് ജനാധിപത്യത്തെ വലിച്ച് കീറുകയാണ്. രാജ്യത്ത് സമാധാനം കൊണ്ടുവന്ന പഴയ നിയമങ്ങളുടെ പേരുമാറ്റുകയാണ്. ആദ്യം അച്ഛേ ദിന് വന്നു, പിന്നീടത് ന്യൂ ഇന്ത്യയായി, ഇപ്പോഴത് അമൃത്കാല് ആണ്. അവരുടെ വീഴ്ച്ചകള് മറയ്ക്കാനായിട്ടാണോ പേരുമാറ്റുന്നതെന്നും ഖാര്ഗെ ചോദിച്ചു.
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം
Click it and Unblock the Notifications
Sign in with Google