Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
രാജ്യം കത്തുമ്പോള്‍ അവര്‍ നിങ്ങളുടെ വസ്ത്രത്തെ കുറിച്ചാണ് പറയുന്നത്; മോദിക്കെതിരെ ആഞ്ഞടിച്ച് മമത
കൊല്‍ക്കത്ത: പൗരത്വ നിയമ ഭേദഗതിയില്‍ പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമര്‍ശനവുമായി ബംഗാള്‍ മുഖ്യമന്ത്രി മമതാ ബാനര്‍ജി. രാജ്യം മുഴുവന്‍ കത്തിക്കൊണ്ടിരിക്കുമ്പോള്‍ വസ്ത്രങ്ങളെ കുറിച്ചാണ് അവര്‍ സംസാരിക്കുന്നതെന്ന് മമതാ ബാനര്‍ജി പറഞ്ഞു.
'രാജ്യം മുഴുവന്‍ കത്തിക്കൊണ്ടിരിക്കുകയാണ്. അപ്പോള്‍ നിങ്ങള്‍ ധരിക്കുന്ന വസ്ത്രങ്ങളെക്കുറിച്ചാണ് അവര്‍ സംസാരിക്കുന്നത്. എന്‍റെ വസ്ത്ര ധാരണ രീതികണ്ട് ഞാന്‍ എന്താണെന്ന് പറയാന്‍ നിങ്ങള്‍ക്ക് സാധിക്കുമോ'-പൗരത്വ നിയമ ഭേദഗതിക്കെതിരായി കൊല്‍ക്കത്തിയില്‍ നടക്കുന്ന റാലിയെ അഭിസംബോധന ചെയ്തുകൊണ്ട് മമത ചോദിച്ചു.
പൗരത്വ ഭേദഗതി നിയമത്തിനെതിരായി ഞങ്ങള്‍ അവസാന നിമിഷം വരെ പോരാടുമെന്നും തൃണമൂല്‍ അധ്യക്ഷ വ്യക്തമാക്കി. തന്‍റെ സര്‍ക്കാറിനെ വീഴ്ത്താനോ തന്നെ അറസ്റ്റ് ചെയ്യാനോ ധൈര്യമുണ്ടെന്നും മമത വെല്ലുവിളിച്ചു. ബംഗാളില്‍ എന്‍ആര്‍സിയും പൗരത്വ ഭേദഗതി നിയമവും നടപ്പാക്കാമെന്ന് കേന്ദ്രം വ്യാമോഹിക്കേണ്ടെന്നും അവര്‍ പ്രഖ്യാപിച്ചു.
പൗരത്വ ഭേദഗതി നിയമവും പൗരത്വ രജിസ്ട്രേഷനും ബംഗാളില്‍ നടപ്പിലാക്കാന്‍ കേന്ദ്ര സര്‍ക്കാറിനെ ഒരിക്കലും അനുവദിക്കില്ല. അതേസമയം തന്നെ പ്രതിഷേധങ്ങള്‍ സമാധാനപരമായിരിക്കണമെന്നും പൊതുമുതല്‍ നശിപ്പിക്കാന്‍ പാടില്ലെന്നും മമത വ്യക്തമാക്കി.
' ഒരു കാരണവശാലും ട്രെയിനുകള്‍ക്ക് തീവെക്കുകയോ റോഡ് ഗതാഗതം തടസപ്പെടുത്തുകയോ ചെയ്യരുത്. ഇങ്ങനെ ചെയ്താല്‍ അത് രാജ്യത്തെ ഭിന്നിപ്പിക്കാന്‍ ആഗ്രഹിക്കുന്നവര്‍ക്ക് കൊടിപിടിക്കലാകും. നമ്മുടെ ലക്ഷ്യത്തെ പിന്തുണക്കുന്ന പൊതുജനങ്ങളെ ബുദ്ധിമുട്ടിക്കേണ്ട കാര്യമെന്താണ്' -മമത പറഞ്ഞു.
