Click it and Unblock the Notifications
Just In
Don't Miss
-
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മോദിയുടെ സത്യപ്രതിജ്ഞയ്ക്ക് മമത വരില്ല; തീരുമാനം മാറ്റി, ബിജെപി കുടുംബങ്ങളെ ക്ഷണിച്ചതില്‍ പ്രതിഷേധം
ദില്ലി: നരേന്ദ്ര മോദിയുടെ സത്യപ്രതിജ്ഞാ ചടങ്ങിലേക്ക് ബംഗാള്‍ മുഖ്യമന്ത്രി മമതാ ബാനര്‍ജി വരില്ല. നേരത്തെ പങ്കെടുക്കാന്‍ അവര്‍ തീരുമാനിച്ചിരുന്നെങ്കിലും ഒടുവില്‍ പിന്‍മാറി. ബംഗാളില്‍ തൃണമൂലുമായുള്ള സംഘര്‍ഷത്തില്‍ കൊല്ലപ്പെട്ട ബിജെപി പ്രവര്‍ത്തകരുടെ കുടുംബാംഗങ്ങളെ മോദിയുടെ സത്യപ്രതിജ്ഞാ ചടങ്ങിലേക്ക് ക്ഷണിച്ചതില്‍ പ്രതിഷേധിച്ചാണ് മമതയുടെ പുതിയ തീരുമാനം. തൃണമൂല്‍ കോണ്‍ഗ്രസ് പ്രവര്‍ത്തകരുടെ ആക്രമണത്തില്‍ ബിജെപി പ്രവര്‍ത്തകര്‍ കൊല്ലപ്പെട്ടുവെന്ന ബിജെപിയുടെ ആരോപണം അസത്യമാണെന്നും മമത പറഞ്ഞു.
മോദിയുടെ സത്യപ്രതിജ്ഞാ ചടങ്ങിന് എല്ലാ പ്രതിപക്ഷ നേതാക്കളെയും ക്ഷണിച്ചിട്ടുണ്ട്. താങ്കള്‍ പങ്കെടുക്കുമോ എന്ന് മമതയോട് മാധ്യമ പ്രവര്‍ത്തകര്‍ ചോദിച്ചിരുന്നു. പങ്കെടുക്കാന്‍ ശ്രമിക്കുമെന്നാണ് മമത കഴിഞ്ഞ ദിവസം പറഞ്ഞത്.
എന്നാല്‍ ബുധനാഴ്ച പുതിയ ചില വിവരങ്ങള്‍ വന്നു. ബംഗാളില്‍ തിരഞ്ഞെടുപ്പ് അക്രമത്തില്‍ കൊല്ലപ്പെട്ട ബിജെപി പ്രവര്‍ത്തകരുടെ കുടുംബാംഗങ്ങളെ മോദിയുടെ സത്യപ്രതിജ്ഞാ ചടങ്ങിലേക്ക് ക്ഷണിച്ചുവെന്നായിരുന്നു വിവരം. ഇതോടെയാണ് മമത നിലപാട് മാറ്റിയത്.
ബംഗാളില്‍ രാഷ്ട്രീയ അക്രമത്തിനിടെ 54 പ്രവര്‍ത്തകര്‍ കൊല്ലപ്പെട്ടുവെന്നാണ് ബിജെപിയുടെ വാദം. ഇത് കളവാണെന്ന് മമത പറയുന്നു. തിരഞ്ഞെടുപ്പ് പ്രചാരണത്തില്‍ ബിജെപിയും മമതയും നേരിട്ടുള്ള ഏറ്റുമുട്ടലായിരുന്നു ബംഗാളില്‍. ഫലം വന്നപ്പോള്‍ ബിജെപി വന്‍ മുന്നേറ്റം നടത്തി.
ഈ സാഹചര്യത്തിലാണ് മോദിയുടെ സത്യപ്രതിജ്ഞാ ചടങ്ങിന് എത്തുമെന്ന് മമത പറഞ്ഞപ്പോള്‍ വന്‍ വാര്‍ത്തയായത്. പക്ഷേ, അവരിപ്പോള്‍ തീരുമാനം മാറ്റിയിരിക്കുന്നു. തെലങ്കാന മുഖ്യമന്ത്രി കെ ചന്ദ്രശേഖര റാവു, ദില്ലി മുഖ്യമന്ത്രി കെജ്രിവാള്‍ തുടങ്ങിയ പ്രതിപക്ഷ നേതാക്കളും മോദിയുടെ സത്യപ്രതിജ്ഞക്കെത്തുന്നുണ്ട്.
