പശുവിനെ കടത്തിയെന്നാരോപിച്ച് ബിജെപി പ്രവര്ത്തകനെ മര്ദ്ദിച്ച് കൊലപ്പെടുത്തി !
മംഗളൂരു: പശുവിനെകടത്തിയെന്നാരോപിച്ച് ഉഡുപ്പിയില് ബിജെപി പ്രവര്ത്തകനെ മര്ദ്ദിച്ച് കൊലപ്പെടുത്തി. പ്രവീണ് പൂജാരിയാണ് (28) കൊല്ലപ്പെട്ടത്. വിശ്വഹിന്ദു പരിഷത്ത് , ബജ്റംഗ്ദള് പ്രവര്ത്തകരാണ് കൊലപാതകത്തിനു പിന്നിലെന്നാണ് റിപ്പോര്ട്ട്. പ്രവീണ് പൂജാരി സുഹൃത്തായ അക്ഷയ് ദേവഡിഗയ്ക്കൊപ്പം ടെംപോ വാനില് പശുവിനെ കടത്തുമ്പോഴാണ് ആക്രമിക്കപ്പെട്ടത്.
20 ഓളം വിഎച്ച്പി, ദള് പ്രവര്ത്തകര് ചേര്ന്ന് ഇരുവരെയും ആക്രമിക്കുകയായിരുന്നു. മാരകായുധങ്ങളുപയോഗിച്ചാണ് ആക്രമണം നടത്തിയത്. പ്രവീണ് സംഭവസ്ഥലത്തു തന്നെ മരിച്ചു. ദേവഡികയെ ഗുരുതപരിക്കുകളോടെ ബ്രഹ്മാവറിലെ ആശുപത്രിയില് പ്രവേശിപ്പിച്ചിരിക്കുകയാണ്.
സംഭവവുമായി ബന്ധപ്പെട്ട് ഇതുവരെ 17 പേരെ അറസ്റ്റു ചെയ്തു. മറ്റുള്ളവര്ക്കായി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്. പ്രവീണ് പൂജാരി ബിജെപി പ്രവര്ത്തകനാണെന്നറിയാതെയാണ് സംഘം ആക്രമിച്ചത്. വിഎച്ച്പി പ്രവര്ത്തകനായ അരവിന്ദ് ഷെരിഗാറിന്റെ നേതൃത്വത്തിലാണ് അക്രമം നടത്തിയതെന്ന് പൊലീസ് പറഞ്ഞു.