ജിയോ ഡാറ്റ ലീക്ക്:ഇമ്രാന് ചാമ്പ എന്തിന് വിവരങ്ങള് ചോര്ത്തി..?ഞെട്ടിക്കുന്ന വിവരങ്ങള്..
സേര്ച്ച് എഞ്ചിന് നിര്മ്മിക്കുകയായിരുന്നു ഇയാളുടെ ലക്ഷ്യം
മുംബൈ: റിലയന്സ് ജിയോയയില് നിന്നും ഉപഭോക്താക്കളുടെ വിവരങ്ങള് ചോര്ന്നുവെന്ന് വിവരം ഞെട്ടലോടെയാണ് ജിയോ വരിക്കാര് കേട്ടത്. സംഭവത്തിനു പിന്നിലെ പ്രധാന സൂത്രധാരനായ, ഇമ്രാന് ചാമ്പ എന്നു വിളിക്കപ്പെടുന്നയാളെ പോലീസ് രാജസ്ഥാനില് നിന്നും അറസ്റ്റ് ചെയ്തിരുന്നു. ചോദ്യം ചെയ്യലില് ഇയാള് നിര്ണ്ണായക വിവരങ്ങള് വെളിപ്പെടുത്തുകയും ചെയ്തു.
ഉപഭോക്താക്കളെ സംബന്ധിക്കുന്ന വിവരങ്ങള് ചോര്ന്നോ എന്ന ചോദ്യത്തിന് കുറച്ചു വിവരങ്ങള് ചോര്ന്നുവെന്ന മറുപടിയാണ് പോലീസ് ആദ്യം നല്കിയത്. കൂടുതല് വിവരങ്ങള് വെളിപ്പെടുത്തിയിരുന്നില്ല. ഇയാളെ കൂടുതല് ചോദ്യം ചെയ്തതോടെയാണ് വിവരങ്ങള് ചോര്ത്തിയതിനു പിന്നിലെ ഉദ്ദേശ്യം പോലീസിന് വ്യക്തമായത്.
ജിയോ ഉപയോഗിക്കുന്നത് സുരക്ഷിതമല്ലെന്നും വരിക്കാരുടെ വിവരങ്ങള് ചോരുമെന്നുമുള്ള വാദവുമായി മാജിക് പാക് എന്ന വെബ്സൈറ്റ് രംഗത്തെത്തിയിരുന്നു. ട്വിറ്റര്, ഫേസ്ബുക്ക് തുടങ്ങിയ സോഷ്യല് മീഡിയ പ്ലാറ്റ്ഫോമുകളില് ഈ വെബ്സൈറ്റിലെ യുആര്എല് വ്യാപകമായി ഷെയര് ചെയ്യപ്പെടുകയും ചെയ്തിരുന്നു.
എന്തിനു ചോര്ത്തി
സേര്ച്ച് എഞ്ചിന് നിര്മ്മിക്കുകയായിരുന്നു ഇമ്രാന് ചാമ്പയുടെ ലക്ഷ്യം എന്ന് പോലീസ് പറഞ്ഞതായി ഇന്ത്യന് എക്സ്പ്രസ് റിപ്പോര്ട്ട് ചെയ്യുന്നു. ഉപഭോക്താക്കളുടെ പേര്, അഡ്രസ്, ആധാര് നമ്പര്
തുടങ്ങിയവ ഉള്പ്പെടുത്തി സേര്ച്ച് എഞ്ചിന് നിര്മ്മിക്കുകയായിരുന്നു ഇമ്രാന് ചാമ്പയുടെ ലക്ഷ്യം. ഇയാള് ജിയോ ഉപഭോക്താക്കളുടെ വിവരങ്ങള് വെബ്സൈറ്റില് അപ്ലോഡ് ചെയ്തതായും പോലീസ് പറഞ്ഞു.
ട്രാക്ക് ചെയ്തു
വെബ്സൈറ്റിന്റെ ഇന്റര്നെറ്റ് പ്രോട്ടോകോള് അഡ്രസ് മഹാരാഷ്ട്ര സൈബര് ഡിപ്പാര്ട്ട് ട്രാക്ക് ചെയ്തു. ഇത്തരത്തില് എല്ലാ ടെലികോം കമ്പനികളുടെയും ഉപഭോക്താക്കളുടെ വിവരങ്ങള് ചോര്ത്തി വെബ്സൈറ്റ് നിര്മ്മിക്കാനായി ഇമ്രാന് ചിമ്പ ലക്ഷ്യമിട്ടിരുന്നതായി പോലീസ് പറഞ്ഞു.
വെബ്സൈറ്റ് എങ്ങനെ..?
ഉപഭോക്താക്കളുടെ പേരോ നമ്പറോ സേര്ച്ച് ചെയ്താല് അവരുമായി ബന്ധപ്പെട്ട വിവരങ്ങളെല്ലാം ലഭിക്കുന്ന രീതിയിലാണ് ഇമ്രാന് ചിമ്പ സേര്ച്ച് എഞ്ചിന് ഡിസൈന് ചെയ്യാനിരുന്നത്. എന്നാല് ഉപഭോക്താക്കളുടെ പേരും നമ്പറും ഇ-മെയില് ഐഡിയും മാത്രമേ ഇയാള്ക്ക് കിട്ടിയുള്ളൂ എന്നും പോലീസ് പറയുന്നു.
പാതിവഴിയില് പഠനം ഉപേക്ഷിച്ച ചിമ്പ
കമ്പ്യൂട്ടര് സയന്സ് വിദ്യാര്ത്ഥിയായിരുന്നു ഇമ്രാന് ചിമ്പ എന്നാണ് പോലീസ് പറയുന്നത്. ഇയാള് പാതിവഴിയില് വെച്ച് ബിരുദ പഠനം ഉപേക്ഷിക്കുകയായിരുന്നു. കൂടുതല് അന്വേഷണങ്ങള് നടന്നു വരികയാണ്. ലോക്കല് പോലീസിന്റെ സഹായത്തോടെയാണ് ഇയാളെ അറസ്റ്റ് ചെയ്തത്.
ചോദ്യം ചെയ്യല് മാത്രമല്ല
ചോദ്യം ചെയ്യലിനു പുറമേ ഇമ്രാന് ചിമ്പയുടെ പക്കല് നിന്നും കമ്പ്യൂട്ടര്, മൊബൈല് ഫോണ്, സ്റ്റോറേജ് ഡിവൈസുകള് എന്നിവയും പിടിച്ചെടുത്തിട്ടുണ്ട്. ഇവ കൂടുതല് പരിശോധനക്ക് വിധേയമാക്കും. മഹാരാഷ്ട്ര സൈബര് പോലീസ്, മുംബൈ നേവി പോലീസ്, റിലയന്സ് ജിയോ അധികൃതര് എന്നിവര് സംയുക്തമായാണ് ഇപ്പോള് അന്വേഷണം നടത്തുന്നത്.
ജിയോ പറഞ്ഞത്
ഉപഭോക്താക്കളുടെ വിവരങ്ങള് ചോര്ന്നുവെന്ന വാര്ത്ത വൈറലായപ്പോള് എല്ലാവരുടെയും വിവരങ്ങള് തങ്ങളുടെ കയ്യില് സുരക്ഷിതമാണെന്നും വെബ്സൈറ്റിന്റെ വാദങ്ങള് അടിസ്ഥാന രഹിതമാണെന്നുമാണ് കമ്പനി പറഞ്ഞത്.
മാജിക് പാക്ക്
100 മില്യനിലധികം ജിയോ വരിക്കാരുടെ വിവരങ്ങള് ചോര്ത്തിയെന്നാണ് വിവരങ്ങള് പ്രത്യക്ഷപ്പെട്ട മാജിക് പാക്ക് അവകാശപ്പെട്ടത് . എന്നാല് വെബ്സൈറ്റ് പിന്നീട് അപ്രത്യക്ഷമാകുകയായിരുന്നു. പ്രാഥമിക അന്വേഷണത്തില് ഇന്ത്യയില് രജിസ്റ്റര് ചെയ്യപ്പെട്ടിട്ടുള്ള വെബ്സൈറ്റാണിതെന്ന് വ്യക്തമാകുകയായിരുന്നു.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം
Click it and Unblock the Notifications
Sign in with Google