സഹയാത്രികയുടെ മുടി മുറിച്ച യുവാവിനെ യാത്രക്കാര് പൊതിരെ തല്ലി
വിജയവാഡ: സ്ത്രീകളുടെ മുടിയോട് ദൗര്ബല്യമുണ്ടാകാം എന്നാല് മുടി മുറിച്ച് സൂക്ഷിക്കുന്ന തരത്തില് ദൗര്ബല്യമുള്ളവരെ സൂക്ഷിക്കണം. ഓട്ടോയില് യാത്ര ചെയ്ത സഹയാത്രികയുടെ മുടി മുറിച്ച 25ക്കാരനാണ് ഇത്തരത്തില് ഒരു ദൗര്ബല്യം.
കഴിഞ്ഞ ദിവസം ഓട്ടോയില് ഒരുമിച്ച് യാത്രചെയ്ത യുവതിയുടെ മുടി മുറിച്ച സുരേഷ് കുമാര് എന്ന യുവാവിനെ യാത്രക്കാര് പൊതിരെ തല്ലി. യുവതിയുടെ പിറകിലെ സീറ്റില് ഇരുന്ന് യാത്ര ചെയ്യുമ്പോഴാണ് ഇയാള് ആരുമറിയാതെ മുടി മുറിക്കുന്നത്. മുറിച്ച മുടി ബാഗില് സൂക്ഷിക്കുകയും ചെയ്തു.
ഓട്ടോയില് നിന്നും ഇറങ്ങുമ്പോഴാണ് മുടി ഇല്ലെന്ന സത്യം യുവതി മനസ്സിലാക്കുന്നത്. പിന്നീട് യാത്രക്കാര് ഇയാളെ പിടികൂടി പോലീസില് ഏല്പിക്കുകയായിരുന്നു. ഇയാളുടെ ബാഗില് നിന്നും യുവതിയുടെ മുടി കണ്ടെത്തുകയും ചെയ്തു.
പോലീസിന്റെ ചോദ്യം ചെയലില് ഇയാള്ക്ക് സത്രീകളുടെ മുടിയോട് അമിതാവേശമുണ്ടെന്നും മുന്പും ഇതുപോലെ മുടി മുറിച്ചിട്ടുണ്ടെന്നും ഇയാള് സമ്മതിച്ചു. അറസ്റ്റ് ചെയ്ത യുവാവ് ഇപ്പോള് പോലീസ് കസ്റ്റഡിയിലാണ്.