ജോലിക്ക് വരാത്തതിന്റെ പേരിൽ ജീവനക്കാരന് ക്രൂരമർദ്ദനം; തൂണിൽ കെട്ടിയിട്ട് ചാട്ടവാറടി; ദൃശ്യങ്ങൾ വൈറൽ
Recommended Video
മധ്യപ്രദേശ് : ജോലിക്ക് വരാതിരുന്നതിന് പെട്രോൾ പമ്പ് ജീവനക്കാരനെ പമ്പുടമയും സഹപ്രവർത്തകരും ചേർന്ന് ക്രൂരമായി മർദ്ദിക്കുന്ന ദൃശ്യങ്ങൾ പുറത്ത്. മധ്യപ്രദേശിലെ ഹൊസാൻഗാബാദിലാണ് സംഭവം.
പെട്രോൾ പമ്പ് ജീവനക്കാരനനായ അജയ് ആണ് ക്രൂരമായ പീഡനത്തിന് ഇരയായത്. ഇയാളെ തൂണിനോട് ചേർത്ത് നിർത്തി ചാട്ടവാറുകൊണ്ട് തൊഴിലുടമയും സഹപ്രവർത്തകരും ചേർന്ന് മർദ്ദിക്കുന്ന ദൃശ്യങ്ങളാണ് പുറത്ത് വന്നത്.
വാഹനാപകടത്തെ തുടർന്ന് 6 ദിവസത്തോളം പെട്രോൾ പമ്പിൽ ജോലിക്കെത്താൻ സാധിച്ചില്ല, പമ്പുടമയും രണ്ട് സഹപ്രവർത്തകരും തന്നെ വിളിച്ച് വരുത്തുകയും ക്രൂരമായി മർദ്ദിക്കുകയുമായിരുന്നുവെന്ന് അജയ് പറയുന്നു.
സംഭവത്തിന്റെ ദൃശ്യങ്ങൾ വൈറലായതോടുകൂടി പോലീസ് അന്വേഷണം നടത്തുകയും പമ്പുടമയേയും രണ്ട് ജീവനക്കാരെയും അറസ്റ്റ് ചെയ്തിട്ടുമുണ്ട്.
#WATCH: An employee at a petrol pump in Madhya Pradesh's Hoshangabad being thrashed with whip for not coming to work. Both accused arrested. Victim says, 'I met with an accident so didn't go to work for 5-6 days. Owner&his friend called me at pump&beat me'.(NOTE: Strong Language) pic.twitter.com/HjNaQa6Pte
— ANI (@ANI) July 6, 2018
അജയ് സംസാരിക്കാൻ ശ്രമിക്കുമ്പോൾ അത് തടയുകയും ചാട്ടവാറുപയോഗിച്ച് പമ്പുടമ ക്രൂരമായി മർദ്ദിക്കുകയും ചെയ്യുന്നതാണ് ദൃശ്യങ്ങളിലുള്ളത്. ഇയാൾ അജയിയെ ശകാരിക്കുന്നതും ദൃശൃങ്ങളിൽ കാണാം.