ഭാര്യയെ കൊന്ന് മൃതദേഹവുമായി വീട്ടിൽ ചെന്നു !! ചോദ്യം ചെയ്ത അമ്മായി അമ്മയ്ക്കും വെടിയേറ്റു !!!

പോസ്റ്റ് ഗ്രാജ്വോറ്റ് ആയ സതേന്ദ്രയ്ക്ക് ഭാര്യയെ സംശയം ആയിരുന്നു. ഭാര്യ രാജ് കുമാരിക്ക് മറ്റൊരാളുമായി ബന്ധമുണ്ടെന്നാണ് ഇയാള്‍ വിശ്വസിച്ചിരുന്നത്.

By മരിയ

Published: Thursday, February 9, 2017, 11:28 [IST]

ഗാസിയാബാദ്: അവിഹിത ബന്ധമുണ്ടെന്ന് സംശയിച്ച് ഭര്‍ത്താവ് ഭാര്യയെ വെടിവെച്ച്. അക്രമത്തിനിടെ ഗുരുതരമായി പരിക്കേറ്റ അമ്മായിഅമ്മ ആശുപത്രിയിലാണ്.

സതേന്ദ്ര എന്ന യുവാവാണ് ഭാര്യ രാജ് കുമാരിലെ വെടിവെച്ച് കൊന്നത്. വീട്ടുജോലികള്‍ ചെയ്ത് കൊണ്ടിരിക്കുകയായിരുന്ന രാജ്കുമാരിയെ കാറില്‍ തൊട്ടടുത്തുള്ള വയലിലേക്ക് കൂട്ടിക്കൊണ്ടുപോയാണ് സതേന്ദ്ര കൊന്നത്.

പോസ്റ്റ് ഗ്രാജ്വോറ്റ് ആയ സതേന്ദ്രയ്ക്ക് ഭാര്യയെ സംശയം ആയിരുന്നു. ഭാര്യ രാജ്കുമാരിയ്ക്ക് മറ്റൊരാളുമായി ബന്ധമുണ്ടെന്നാണ് ഇയാള്‍ വിശ്വസിച്ചിരുന്നത്. ഈ പേരും പറഞ്ഞ് ഇവരുടെ വീട്ടില്‍ വഴക്ക് പതിവായിരുന്നു.

മൂന്ന് മക്കളാണ് സതേന്ദ്ര, രാജ്കുമാരി ദമ്പതികള്‍ക്ക് ഉള്ളത്. ഭാര്യയോട് വഴക്കിടുന്ന സതേന്ദ്ര ഒരു നാടന്‍ തോക്ക് സംഘടിപ്പിച്ചു. ഭാര്യയെ കൂട്ടി വയലിലേത്ത് പോയ സതേന്ദ്ര അവിടെ വെച്ചാണ് വെടിവെച്ച് കൊന്നത്.

മൃതദേഹവുമായി സതേന്ദ്ര നേരെ പോയത് അടുത്ത ഗ്രാമത്തിലെ ഭാര്യവീട്ടിലേക്കാണ് . കാറിന്‌റെ പിന്‍സീറ്റില്‍ കിടത്തിയ നിലയില്‍ ആയിരുന്നു മൃതദേഹം. അവിടെ ചെന്ന് അമ്മായി അമ്മയുമായി വഴക്കിട്ടു. ഇവരേയും വെടിവെച്ചു.