ചായകൊടുക്കാന് വൈകിയതിന് ഭാര്യയെ കുത്തിക്കൊന്നു
ഭുവനേശ്വര്: ചായ കൊടുക്കാന് വൈകിയതിന് ഭര്ത്താവ് ഭാര്യ ശിക്ഷിച്ചത് ഇത്തിരി കടുത്തുപോയി. കത്തിക്കൊണ്ട് കുത്തിക്കൊല്ലുകയാണ് ചെയ്തത്. സംഭവം നടന്നത് ഒറീസയിലാണ്.
ഒറീസയിലെ ഝെങ്കനാലില് ജില്ലയിലെ ഗുഹാലിപാല് ഗ്രാമത്തില് ആഗസ്റ്റ് 20 ബുധാഴ്ചയാണ് സംഭവം നടന്നത്. മാഹാലിയ നായക് എന്ന് 56 കാരനാണ് ഈ ക്രൂരകൃത്യം ചെയ്തത്. ഇരയായത് ഭാര്യ ഝാനയും.
കഴിഞ്ഞ തിങ്കളാഴ്ചയാണ് ചായപ്രശ്നം തുടങ്ങിയതത്രെ. രാവിലെ എഴുന്നേറ്റ് മഹാലിയ ചായ ചോദിച്ചെങ്കിലും ഭാര്യ കൊടുക്കാന് ഇത്തിരി താമസിച്ചു പോയി. പിന്നെ ഇതിന്റെ പേരിലായി തര്ക്കം. തര്ക്കം മൂത്തപ്പോള് ഭാര്യക്കും വാശിയായി.
ചായ വൈകിയതിന്റെ പേരില് ചീത്ത പറഞ്ഞ ഭര്ത്താവിന് ഭക്ഷണം ഉണ്ടാക്കിക്കൊടുക്കില്ലെന്നായി ഭാര്യ ഝാന. ഒരു ദിവസം കാര്യങ്ങള് ഇങ്ങനെ മുന്നോട്ട് പോയെങ്കിലും ബുധനാഴ്ച രാവിലെ മഹാലിയ പ്രശ്നം വീണ്ടും എടുത്തിടുകയായിരുന്നവത്രെ.
ചായത്തര്ക്കവും ഭക്ഷണത്തര്ക്കവും മൂത്തപ്പോള് വാക്കേറ്റമായി. ഒടുവില് മഹാലിയ ഭാര്യയെ കത്തിയെടുത്ത് കുത്തിക്കൊല്ലുകയായിരുന്നു. ഭുവനേശ്വരില് നിന്ന് 110 കിലോമീറ്റര് അകലെയാണ് സംഭവം നടന്ന ഗ്രാമം. പോലീസ് മഹാലിയയെ അറസ്റ്റ് ചെയ്തപ്പോള് മാത്രമാണ് നാട്ടുകാര് പോലും സംഭവം അറിഞ്ഞതെന്നാണ് റിപ്പോര്ട്ട്.