കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇംഗ്ലീഷ് അക്ഷരമാല തെറ്റിച്ചു; 6 വയസുകാരിയുടെ വായില്‍ അച്ഛന്‍ ഉള്ളി തള്ളിക്കയറ്റി കൊലപ്പെടുത്തി

  • By Anwar Sadath
Google Oneindia Malayalam News

ഔറംഗബാദ്: ഇംഗ്ലീഷ് അക്ഷരമാല തെറ്റിച്ചെന്ന കുറ്റത്തിന് ആറുവയസുകാരിയായ മകളെ അച്ഛന്‍ ക്രൂരമായി കൊലപ്പെടുത്തി. മഹാരാഷ്ട്രയിലെ ഔറംഗബാദിലാണ് ആരെയും ഞെട്ടിക്കുന്ന സംഭവം നടന്നത്. ശനിയാഴ്ച രാത്രിയായിരുന്നു സംഭവം. രാത്രിയില്‍ അച്ഛന്‍ സഞ്ജയ് മകള്‍ ഭാരതിയോട് ഇംഗ്ലീഷ് അക്ഷരമാല പറയാന്‍ ആവശ്യപ്പെട്ടു.

എന്നാല്‍, അക്ഷരമാല ഇടയ്ക്ക് തെറ്റിയതോടെ അച്ഛന്‍ ക്രൂരമായി ശിക്ഷിക്കുകയായിരുന്നു. പലതവണ പെണ്‍കുട്ടിയെ അടിച്ച അച്ഛന്‍ കലിയടങ്ങാതെ ഉള്ളി വായില്‍ തിരുകിക്കയറ്റി. വലിയ ഉള്ളി തൊണ്ടയില്‍ കുടുങ്ങിയതോടെ ആറുവയസുകാരി പ്രാണവായുകിട്ടാതെ അമ്മയ്ക്കും രണ്ടുവയസായ സഹോദരനും മുന്നില്‍ മരിക്കുകയായിരുന്നു.

child-abuse

ഇതിന് പിന്നാലെ കൊലപാതകം മറച്ചുവെക്കാനും സഞ്ജയ് ശ്രമിച്ചതായി പോലീസ് ഉദ്യോഗസ്ഥന്‍ പറഞ്ഞു. കുട്ടിയുടെ മൃതദേഹം ആളൊഴിഞ്ഞയിടത്തെത്തിച്ച് മറവു ചെയ്യുകയായിരുന്നു. പെണ്‍കുട്ടിയുടെ അമ്മ ബന്ധുക്കളോട് കാര്യങ്ങള്‍ വിളിച്ചു പറഞ്ഞതോടെയാണ് സംഭവം പുറത്തറിയുന്നത്. ബന്ധുക്കള്‍ ഉടന്‍ പോലീസില്‍ പരാതി നല്‍കി.

പോലീസ് സ്ഥലത്തെത്തി സഞ്ജയെ അറസ്റ്റ് ചെയ്തു. ഇയാളുടെ മൊഴിയിലൂടെ കുട്ടിയെ മറവുചെയ്ത സ്ഥലം കണ്ടെത്തി മൃതദേഹം പോസ്റ്റമോര്‍ട്ടത്തിന് അയച്ചിരിക്കുകയാണ്. പിതാവിന്റെ നടപടി തങ്ങളെ ഞെട്ടിച്ചെന്നും അതിക്രൂരമാണെന്നും പോലീസ് ഓഫീസര്‍ എസ് ബി റാത്തോഡ് മാധ്യമങ്ങളോട് പറഞ്ഞു.

English summary
Man shoves onion down daughter’s throat, kills her for not reciting alphabet
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X