ബാത്ത് റൂമില് മൊബൈല് ഒളിപ്പിച്ചു,അയല്വാസിയായ സ്ത്രീയുടെ കുളിസീന് പകര്ത്താന് യുവാവിന്റെ ശ്രമം
വളരെ രഹസ്യമായാണ് പ്രതി ബാത്ത് റൂമിലെ വെന്റിലേറ്ററിന് മുകളില് മൊബൈല് ഫോണ് ഒളിപ്പിച്ചുവെച്ചത്.
ഹൈദരാബാദ്: ബാത്ത്റൂമില് മൊബൈല് ഫോണ് ഒളിപ്പിച്ചുവെച്ച് ദൃശ്യങ്ങള് പകര്ത്താന് ശ്രമിച്ച യുവാവിനെ പോലീസ് അറസ്റ്റ് ചെയ്തു. അയല്വാസിയായ സ്ത്രീ നല്കിയ പരാതിയിലാണ് മണികേശ്വര് നഗറില് താമസിക്കുന്ന എസ് വെങ്കിടേഷിനെ ഒസ്മാനിയ യൂണിവേഴ്സിറ്റി പോലീസ് അറസ്റ്റ് ചെയ്തത്.
കുളിമുറിയിലെ വെന്റിലേറ്ററിന് മുകളിലായി ഒളിപ്പിച്ചുവെച്ച മൊബൈല് ഫോണ് ശ്രദ്ധയില്പ്പെട്ട സ്ത്രീ പോലീസിനെ വിവരമറിയിക്കുകയായിരുന്നു. തുടര്ന്ന് മൊബൈല് ഫോണ് പരിശോധിച്ച പോലീസ് ഇത് വെങ്കിടേഷിന്റെ ഫോണാണെന്ന് തിരിച്ചറിഞ്ഞു. യുവാവിനെ കസ്റ്റഡിയിലെടുത്ത് ചോദ്യം ചെയ്തതോടെ കുറ്റം സമ്മതിക്കുകയായിരുന്നു.
സ്ത്രീ കുളിക്കുന്ന ദൃശ്യങ്ങള് ചിത്രീകരിക്കാനായാണ് മൊബൈല് ഫോണ് ബാത്ത് റൂമില് ഒളിപ്പിച്ചുവെച്ചതെന്ന് പ്രതി സമ്മതിച്ചു. ആരും കാണാതെ വളരെ രഹസ്യമായാണ് യുവാവ് വെന്റിലേറ്ററിന് മുകളില് മൊബൈല് ഒളിപ്പിച്ചുവെച്ചത്.
സൂര്യാപേട്ട് ജില്ലയിലെ തിരമുല്ഗിരി സ്വദേശിയായ വെങ്കിടേഷ് കഴിഞ്ഞ ഒരു വര്ഷമായി ഹൈദരാബാദിലെ മണികേശ്വര് നഗറിലാണ് താമസിക്കുന്നത്. വിവിധ മത്സരപരീക്ഷകള്ക്കുള്ള തയ്യാറെടുപ്പിനും പരിശീലനത്തിനുമായാണ് വെങ്കിടേഷ് ഹൈദരാബാദിലെത്തിയത്.