ഇബോബി സിംഗിനോട് രാജി ആവശ്യപ്പെട്ട് ഗവര്‍ണര്‍;സര്‍ക്കാര്‍ രൂപീകരണം ഉടന്‍!!

Updated: Monday, March 13, 2017, 16:33 [IST]

ഇംഫാല്‍: മണിപ്പൂര്‍ മുഖ്യമന്ത്രി ഒക്രം ഇബോബി സിംഗിനോട് രാജി വയ്ക്കാന്‍ ആവശ്യപ്പെട്ട് ഗവര്‍ണര്‍. അടുത്ത സര്‍ക്കാര്‍ രൂപീകരിക്കുന്നതിനുള്ള നടപടികള്‍ ആരംഭിക്കുന്നതിനായി ഉടന്‍ തന്നെ രാജി സമര്‍പ്പിയ്ക്കാനാണ് ഗവര്‍ണര്‍ നജ്മ ഹെപ്തുള്ള ആവശ്യപ്പെട്ടിട്ടുള്ളത്.

എന്നാല്‍ തനിക്ക് സര്‍ക്കാര്‍ ഭൂരിപക്ഷമുണ്ടെന്ന് അവകാശപ്പെട്ട ഇബോബി രാജി വെയ്ക്കാന്‍ വിസമ്മതിച്ചു. നിലവിലുള്ള മുഖ്യമന്ത്രി രാജി വച്ചൊഴിഞ്ഞെങ്കില്‍ മാത്രമേ ചട്ടപ്രകാരം പുതിയ സര്‍ക്കാര്‍ രൂപീകരിക്കുന്നതിനുള്ള നടപടികളുമായി ഗവര്‍ണര്‍ക്ക് മുന്നോട്ടുപോകാന്‍ കഴിയൂ. തനിക്ക് 28 എംഎല്‍എമാരുടെ പിന്തുണയുണ്ടെന്നും സര്‍ക്കാര്‍ രൂപീകരിക്കാന്‍ അനുവദിക്കണമെന്നും ആവശ്യപ്പെട്ട് കഴിഞ്ഞ ദിവസം ഇബോബി സിംഗ് ആവശ്യപ്പെട്ടിരുന്നു. ഇതിന് പുറമേ നാല് നാഷണല്‍ പീപ്പിള്‍സ് പാര്‍ട്ടി എംഎല്‍എമാരും തന്നെ പിന്തുണയ്ക്കുന്നുണ്ടെന്നും അദ്ദേഹം അവകാശപ്പെട്ടിരുന്നു.

എംഎല്‍എമാരുടെ പേരുവിവരങ്ങള്‍ വെളിപ്പെടുത്തിയ ഇബോബിയോട് നാഷണല്‍ പീപ്പിള്‍സ് പാര്‍ട്ടി പ്രസിഡന്റിനോട് പേരുകള്‍ വെളിപ്പെടുത്തണമെന്നും ആവശ്യപ്പെട്ടിരുന്നു.