• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കന്നടയില്‍ സംസാരിക്കാത്തതിന്റെ പേരില്‍ മണിപ്പൂരി വിദ്യാര്‍ഥികള്‍ക്ക് മര്‍ദ്ദനം; സംഭവം ബെംഗളൂരുവില്‍

ബംഗളൂരു: കന്നട ഭാഷ സംസാരിക്കത്തതിന്റെ പേരില്‍ മണിപ്പൂരി വിദ്യാര്‍ഥികള്‍ക്ക് മര്‍ദ്ദനമേറ്റതായി പരാതി. ബംഗളൂരുവിലെ റസ്റ്റോറന്റില്‍ ചൊവ്വാഴ്ച രാത്രിയാണ് വിദ്യാര്‍ഥികള്‍ മര്‍ദ്ദനത്തിനിരയായത്. സംഭവത്തില്‍ മൂന്ന് പേര്‍ ഇതിനോടകം അറസ്റ്റിലായിട്ടുണ്ട്. 26കാരനായ ടി മൈക്കല്‍ ലാംജതാങ് ഹൗക്കിപ്പ്, 28കാരനായ ഗാംഖോലന്‍ ഹൗക്കിപ്പ്, 25കാരനായ റോക്കി കിപ്‌ഗെന്‍ എന്നിവര്‍ക്കാണ് മര്‍ദ്ദനമേറ്റത്.

ചൊവ്വാഴ്ച രാത്രി കോത്തനൂരിനടുത്തുള്ള ബൈരതി ക്രോസിലെ റെസ്റ്റോറന്റില്‍ ഭക്ഷണം കഴിക്കവെയാണ് സംഭവം. രാത്രി ഒന്‍പത് മണിയോടെ പ്രതികള്‍ ഇവരെ ആക്രമിച്ചതായി റിപ്പോര്‍ട്ടുകള്‍ പറയുന്നു. അരുണ്‍ കുമാര്‍, കരുണാകരന്‍, ജെയിംസ് എന്നിവരാണ് കേസിലെ മൂന്ന് പ്രതികള്‍. അടുത്ത മേശയിലിരിക്കുകയായിരുന്ന ഇവര്‍ മണിപ്പൂരി വിദ്യാര്‍ഥികളോട് പതുക്കെ സംസാരിക്കാന്‍ പറഞ്ഞു. വിദ്യാര്‍ത്ഥികള്‍ ഇംഗ്ലീഷില്‍ മറുപടി നല്‍കിയതോടെ കന്നഡയില്‍ മറുപടി നല്‍കാന്‍ ഇവര്‍ ആവശ്യപ്പെട്ടതായി ഡെപ്യൂട്ടി പോലീസ് കമ്മീഷണര്‍ മാധ്യമ പ്രവര്‍ത്തകരോട് പറഞ്ഞു.

വിശ്വാസവും സൗഹൃദവും ഊട്ടിയുറപ്പിച്ച് ബ്രസീലില്‍ മോദി-ഷീ കൂടിക്കാഴ്ച

കന്നടയില്‍ സംസാരിക്കുന്നില്ലെങ്കില്‍ നിങ്ങള്‍ സംസ്ഥാനത്തിന് പുറത്ത് പോകണമെന്ന് പ്രതികളില്‍ ഒരാള്‍ ആവശ്യപ്പെട്ടതായി മര്‍ദ്ദനമേറ്റ മൈക്കല്‍ മാധ്യമങ്ങളോട് പറഞ്ഞു. നിങ്ങള്‍ കര്‍ണാടക ഭക്ഷണം കഴിക്കുകയാണ്, നിങ്ങള്‍ കര്‍ണാടകയിലാണ് താമസിക്കുന്നത്, നിങ്ങള്‍ കന്നഡയില്‍ സംസാരിക്കണം, അല്ലെങ്കില്‍ സംസ്ഥാനത്തിന് പുറത്ത് പോകണം. ഇതായിരുന്നു പ്രതിയുടെ വാക്കുകളെന്ന് മൈക്കല്‍ പറയുന്നു. പ്രതികള്‍ മദ്യപിച്ചിരുന്നതായും വിദ്യാര്‍ഥികളെ കസേരയും കല്ലും ഉപയോഗിച്ച് ആക്രമിച്ചതായും റിപ്പോര്‍ട്ടിലുണ്ട്. ഐപിസി സെക്ഷന്‍ 506 (ക്രിമിനല്‍ ഭീഷണിപ്പെടുത്തല്‍), 504 (സമാധാനം ലംഘിക്കല്‍, മനപൂര്‍വ്വം അപമാനിക്കല്‍), 324 (അപകടകരമായ ആയുധങ്ങളോ മാര്‍ഗങ്ങളോ ഉപയോഗിച്ച് ഉപദ്രവിക്കല്‍), 34 എന്നിവ പ്രകാരം പ്രതികള്‍ക്കെതിരെ കേസെടുത്തു. കേസില്‍ അന്വേഷണം തുടരുകയാണ്.

English summary
Manipur students beaten up for not speaking Kannada in bengaluru
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more