മുഖ്യമന്ത്രി മനോഹര്‍ പരീക്കര്‍ അതീവ ഗുരുതരാവസ്ഥയില്‍! വെളിപ്പെടുത്തി ഗോവ മന്ത്രി!

ഗോവ മുഖ്യമന്ത്രി മനോഹര്‍ പരീക്കറിന്‍റെ ആരോഗ്യ സ്ഥിതി അതീവ ഗുരുതരമാണെന്ന് ഗോവ മന്ത്രി വിജയ് സര്‍ദേശായി. ഇപ്പോള്‍ അദ്ദേഹം കാന്‍സറിന്‍റെ നാലാം സ്റ്റേജിലാണെന്നും എന്നാല്‍ ഇപ്പോഴും അദ്ദേഹം ജനങ്ങള്‍ക്ക് വേണ്ടി പ്രവര്‍ത്തിക്കുകയാണെന്നും സര്‍ദേശായി പറഞ്ഞു.

കാന്‍സര്‍ ഇല്ലാതാക്കിയത് ഒരു സംസ്ഥാനത്തിന്‍റെ തന്നെ സ്വപ്നങ്ങളാണ്. ശ്മശാനത്തിന്‍റേയും പുതിയ ഒരു പദ്ധതിയ്ക്കും ആയി പണം അനുവദിച്ചതിന് താന്‍ അദ്ദേഹത്തെ സന്ദര്‍ശിക്കാന്‍ ഇരിക്കുകയാണെന്നും വിജയ് സര്‍ദേശായി പറഞ്ഞു.

പാന്‍ക്രിയാസിന് അസുഖം ബാധിച്ച് കഴിഞ്‍ വര്‍ഷം ആദ്യം മുതല്‍ ചികിത്സയിലായിരുന്നു ഗോവന്‍ മുഖ്യമന്ത്രി മനോഹര്‍ പരീക്കര്‍. മുംബൈയിലും പിന്നീട് അമേരിക്കയിലും ചികിത്സയിലായിരുന്ന അദ്ദേഹം ചികിത്സ കഴിഞ്ഞ് ഗോവയില്‍ മടങ്ങിയെത്തിയെങ്കിലും ഭരണ കാര്യങ്ങളില്‍ നേരിട്ട് ഇടപെട്ടിരുന്നില്ല.

എന്നാല്‍ പിന്നീട് അദ്ദേഹം പൊതുപരിപാടികളില്‍ പങ്കെടുത്ത് തുടങ്ങിയെങ്കിലും മൂക്കില്‍ ട്യൂബ് വെച്ചാണ് പൊതുവേദിയില്‍ പ്രത്യക്ഷപ്പെട്ട് തുടങ്ങിയത്. ഇതിന്‍റെ ചിത്രങ്ങള്‍ പുറത്തുവന്നതോടെ ബിജെപിക്കെതിരെ കടുത്ത വിമര്‍ശനം ഉയര്‍ന്നിരുന്നു. ബിജെപിയുടെ അധികാരക്കൊതിയാണ് അസുഖ ബാധിതനായിട്ട് പോലും പരീക്കറിനെ വെറുതേ വിടാത്തതെന്നായിരുന്നു പ്രതിപക്ഷത്തിന്‍റെ വിമര്‍ശനം.

English summary

Manohar Parrikar suffering from 'advanced-stage cancer', says Goa Minister