കശ്മീരിൽ ബസ് കൊക്കയിലേക്ക് മറിഞ്ഞ് 11 മരണം; നിരവധി പേർക്ക് പരിക്ക്, മരണസംഖ്യ ഉയരാൻ സാധ്യത
ശ്രീനഗർ: ജമ്മു കശ്മീരിലെ പൂഞ്ചിലുണ്ടായ ബസ് അപകടത്തിൽ 11 പേർ കൊല്ലപ്പെട്ടു. നിരവധി പേർക്ക് പരുക്ക്. ലോറനിൽ നിന്നും പൂഞ്ചിലേക്ക് പോവുകയായിരുന്നു ബസ്. ശ്രീനഗറിൽ നിന്നും 175 കിലോമാറ്ററോളം അകലെയാണ് അപകടം ഉണ്ടായത്.
അപകടത്തിൽ പരുക്കേറ്റവരെ മാൻഡിയിലെ ആശുപത്രിയിൽ പ്രവേശിപ്പിച്ചിരിക്കുകയാണ്. ദുർഘടമായ പാതയിലൂടെയുള്ള യാത്രക്കിടെ ബസ് തെന്നിമാറിയാണ് അപകടം ഉണ്ടായത്. ഇടുങ്ങിയ വളവിൽവെച്ച് നിയന്ത്രണം നഷ്ടപ്പെടുകയായിരുന്നു.
നൂറ് മീറ്ററോളം താഴ്ചയിൽ പാറക്കൂട്ടങ്ങൾക്കിടയിലേക്ക് ബസ് പതിക്കുകയായിരുന്നു. ബസ് പൂർണമായും തകർന്നു. മരണസംഖ്യ ഇനിയും ഉയരാനാണ് സാധ്യതയെന്നാണ് റിപ്പോർട്ടുകൾ.
Click it and Unblock the Notifications
Sign in with Google