മാവോയിസ്റ്റ് ബന്ധം: പ്രൊഫസർ ജിഎൻ സായിബാബ ഉള്പ്പെടെ ആറുപേരെ കുറ്റവിമുക്തരാക്കി
മുംബൈ: മാവോയിസ്റ്റ് ബന്ധ ആരോപണ കേസില് ഡൽഹി സർവകലാശാല മുൻ പ്രൊഫസർ ജിഎൻ സായിബാബയെയും മറ്റ് അഞ്ച് പേരെയും കുറ്റവിമുക്തരാക്കി. ബോംബൈ ഹൈക്കോടതിയുടേതാണ് നടപടി. 2017ൽ ജിഎൻ സായിബാബ ഉൾപ്പെടെയുള്ളവരെ ശിക്ഷിച്ച നാഗ്പൂർ സെഷൻസ് കോടതിയുടെ വിധി ജസ്റ്റിസുമാരായ വിനയ് ജോഷി, വാൽമീകി എസ്എ മെനേസസ് എന്നിവരടങ്ങിയ ബെഞ്ച് റദ്ദാക്കുകയായിരുന്നു.
കഴിഞ്ഞ സെപ്റ്റംബറിൽ വിചാരണ പൂർത്തിയായ കേസിലാണ് ഇപ്പോള് വിധി പറഞ്ഞിരിക്കുന്നത്. 2022 ഒക്ടോബർ 14 ന് ജസ്റ്റിസുമാരായ രോഹിത് ദേവ്, അനിൽ പൻസാരെ എന്നിവരുടെ ബെഞ്ച് കീഴ്കോടതി വിചാരണയിലെ സാങ്കേതിക പിഴവ് ചൂണ്ടിക്കാട്ടി സായിബാബ അടക്കം അഞ്ചുപേരെ കുറ്റമുക്തരാക്കിയിരുന്നു. എന്നാല് ഉടന് തന്നെ സുപ്രീം കോടതിയെ സമീപിച്ച് മഹാരാഷ്ട്ര സർക്കാർ ഹൈക്കോടതി വിധിക്ക് സ്റ്റേ വാങ്ങിക്കുകയായിരുന്നു.
കേസിന്റെ യോഗ്യത പരിഗണിക്കാതെ സാങ്കേതികത മാത്രമാണ് പരിഗണിച്ചതെന്ന് ചൂണ്ടിക്കാട്ടിയായിരുന്നു മഹാരാഷ്ട്ര സർക്കാർ സുപ്രീംകോടതിയെ സമീപിച്ചത്. അന്ന് രാത്രി പ്രത്യേക സിറ്റിങ് നടത്തി വിധി സ്റ്റേ ചെയ്ത കോടതി പുതിയ ബെഞ്ചിനോട് വാദം കേള്ക്കാന് നിർദേശിക്കുകയായിരുന്നു.
വീൽ ചെയറില് കഴിയുന്ന 54 കാരനായ സായിബാബ 99 ശതമാനം അംഗവൈകല്യമുള്ളയാളുമാണ്. നിലവില് നാഗ്പൂർ സെൻട്രൽ ജയിലിലാണ് ഇദ്ദേഹം കഴിയുന്നത്. മാവോയിസ്റ്റ് ബന്ധം ആരോപിച്ചും രാജ്യത്തിനെതിരെ യുദ്ധം ചെയ്യുന്ന തരത്തിലുള്ള പ്രവർത്തനങ്ങളിൽ ഏർപ്പെട്ടതിനും 2017 മാർച്ചിൽ ഗഡ്ചിരോളിയിലെ സെഷൻസ് കോടതി ജി എൻ സായിബാബയെയും മറ്റുള്ളവരെയും ശിക്ഷിക്കുകയായിരുന്നു.
സായിബാബ അടക്കം നാലുപേർക്ക് ജീവപര്യന്തവും മറ്റൊരാൾക്ക് പത്തുവർഷം തടവുമായിരുന്നു ഗഢ്ചിറോളിയിലെ പ്രത്യേക കോടതി വിധിച്ചത്. സായിബാബക്കെതിരെ അധികൃതരുടെ അനുമതി ലഭിക്കും മുമ്പേ യു എ പി എ ചുമത്തി വിചാരണ തുടങ്ങിയത് നിയമവിരുദ്ധമാണെന്നാണ് 2022 ൽ വിധി പറഞ്ഞ ബെഞ്ച് കണ്ടെത്തിയിരുന്നു.
നിരോധിത മാവോയിസ്റ്റ് സംഘടന സി പി ഐ മാവോയിസ്റ്റിനെ സഹായിച്ചുവെന്നായിരുന്നു സായിബാബയ്ക്ക് എതിരായ ആരോപണം. സംഘടനയിലേയ്ക്ക് അംഗങ്ങളെ റിക്രൂട്ട് ചെയ്യുന്നതിനാവശ്യമായ താത്വികമായ പിന്തുണ ഇദ്ദേഹം നല്കിയിരുന്നുവെന്നാണ് പൊലീസ് ആരോപണം. ഹേം മിശ്ര, പ്രശാന്ത് രാഹി, വിജയ് ടിര്ക്കെ, മഹേഷ് ടിര്ക്കെ, പാണ്ഡു നരോട്ട് എന്നിവരായിരുന്നു കേസിലെ മറ്റ് പ്രതികള്.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google