റംസാനില് നഗ്ന ചിത്രങ്ങള് മുസ്ലീം മതവികാരത്തെ വ്രണപ്പെടുത്തുമെന്ന് മാര്ഖണ്ഡേയ കട്ജു
ദില്ലി: സോഷ്യല് മീഡിയയില് പ്രത്യക്ഷപ്പെടുന്ന നഗ്ന ചിത്രങ്ങള് മുസ്ലീം മതവികാരത്തെ വ്രണപ്പെടുത്തുന്നതാണെന്ന് മുന് സുപ്രീംകോടതി ജഡ്ജി മാര്ഖണ്ഡേയ കട്ജു. റംസാന് മാസത്തില് വ്രതമെടുക്കുന്ന മുസ്ലീം വിശ്വാസികള്ക്ക് ഇത്തരം ചിത്രങ്ങളും വീഡിയോകളും അലോസരപ്പെടുത്തുന്നതാണെന്നാണ് അദ്ദേഹത്തിന്റെ അഭിപ്രായം.
സോഷ്യല് മീഡിയയില് പ്രത്യക്ഷപ്പെട്ട ചിത്രങ്ങളെക്കുറിച്ചും അദ്ദേഹം വിശദീകരിച്ചു. ഫേസ്ബുക്ക് പേജിലെ ചില ചിത്രങ്ങള് അശ്ലീമാണെന്ന് അദ്ദേഹം പറയുന്നു. മുസ്ലീം വേഷത്തിലുള്ള സ്ത്രീ കാബായ്ക്ക് മുകളില് കയറി മാറിടം വെളിയില്ക്കാട്ടുന്നതാണ് ഒരു ചിത്രം. മറ്റൊന്ന് നഗ്നരായി കിടക്കുന്ന പെണ്കുട്ടികളുടെ ചിത്രത്തിന് റംസാന് ആണ് അതുകൊണ്ട് ബിക്കിനിവേണ്ടെന്നാണ് കാപ്ഷന് നല്കിയത്.
ഇത്തരത്തിലുള്ള ചിത്രങ്ങള് മന:പൂര്വം പ്രകോപിപ്പിക്കാന് പ്രചരിപ്പിക്കുന്നതാണെന്നാണ് അദ്ദേഹത്തിന്റെ അഭിപ്രായം. എന്നാല് മുസ്ലീങ്ങള് ഇത്തരം ചിത്രങ്ങള് കണ്ട് പ്രകോപിതരാകരുതെന്ന് അദ്ദേഹം ഉപദേശിച്ചു. ഇത്തരം ചിത്രങ്ങള്ക്കുപിന്നില് വലിയൊരു സംഘം പ്രവര്ത്തിക്കുന്നുണ്ട്. മുസ്ലീങ്ങള് ഇത്തരം ചിത്രങ്ങള്ക്കെതിരെ പ്രകോപനമുണ്ടാക്കുകയാണ് ഗൂഢാലോചനക്കാരുടെ ലക്ഷ്യമെന്നും അദ്ദേഹം പറഞ്ഞു.
തിങ്കളാഴ്ചയാണ് മുസ്ലീങ്ങളുടെ വിശുദ്ധമാസമായ റംസാന് ആരംഭിച്ചത്. ഇതിനുശേഷം മുസ്ലീം വിശ്വാസികളെ പ്രകോപിപ്പിക്കുന്ന രീതിയിലുള്ള ചിത്രങ്ങള് സോഷ്യല് മീഡിയയിലൂടെ പ്രചരിപ്പിച്ചിരുന്നു. മതവിദ്വേഷം പടര്ത്തി മുതലെടുപ്പ് നടത്തുന്നവരാണ് ഇതിന് പിന്നിലെന്നാണ് സൂചന.