• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മഥുര കത്തുന്നു; പുതിയ സിനിമയെക്കുറിച്ച്‌ ട്വീറ്റ് ചെയ്യുന്ന തിരക്കില്‍ എംപി ഹേമമാലിനി

  • By Jisha

യുപി: സ്വന്തം മണ്ഡലമായ മഥുരയില്‍ സംഘര്‍ഷം പുകയുമ്പോള്‍ ഷൂട്ടിംഗ് വിശേഷങ്ങള്‍ സോഷ്യല്‍ മീഡിയയില്‍ പോസ്റ്റ് ചെയ്യുന്ന തിരക്കിലാണ് മഥുര എം പിയും നടിയുമായ ഹേമമാലിനി. മുംബൈയിലെ മാഥ് ദ്വീപില്‍ ഏക് തി റാണിയുടെ ഷൂട്ടിങ്ങിലുള്ള ഹേമ മാലിനി ഷൂട്ടിംങ്ങിന്റെ ചിത്രങ്ങളാണ് സോഷ്യല്‍ മീഡിയയില്‍ ട്വീറ്റ് ചെയ്തിട്ടുള്ളത്.

യുപിയില്‍ പൊലീസും കയ്യേറ്റക്കാരും തമ്മിലുണ്ടായ സംഘര്‍ഷത്തില്‍ രണ്ട് എസ്പിമാരുള്‍പ്പെടെ 21 പേര്‍ മരിച്ച സംഭവത്തിനിടെയാണ് സോഷ്യല്‍ മീഡിയയില്‍ താരമായിക്കൊണ്ടുള്ള എംപിയുടെ പോസ്റ്റ്. സോഷ്യല്‍ മീഡിയയില്‍ ചര്‍ച്ചക്ക് വഴിവെച്ച ട്വീറ്റിനെതിരെ ശക്തമായ പ്രതിഷേധങ്ങളുമുയര്‍ന്നിട്ടുണ്ട്. ചിത്രം നേരത്തെ തിയ്യറ്ററുകളിലെത്തിക്കാനാവുമെന്ന് പ്രതീക്ഷിക്കുന്നു എന്ന അടിക്കുറിപ്പോടെയാണ് ചിത്രങ്ങള്‍ പോസ്റ്റ് ചെയ്തിട്ടുള്ളത്. സംഭവം വാര്‍ത്തയായതോടെ ചിത്രങ്ങള്‍ പിന്‍ലവിച്ച എംപി മഥുരയിലെ സംഘര്‍ഷത്തെക്കുറിച്ച് ട്വീറ്റ് ചെയ്തു. അക്രമം നടന്നതില്‍ ദുഖം രേഖപ്പെടുത്തിക്കൊണ്ടുള്ള ട്വീറ്റുകളാണ് ഹേമ മാലിനിയുടേതായി ട്വിറ്ററില്‍ പ്രത്യക്ഷപ്പെട്ടത്. മഥുര എളുപ്പം ശാന്തമാകുമെന്ന് പ്രതീക്ഷിക്കുന്നതായും സമാധാനം പുനഃസ്ഥാപിക്കാന്‍ എല്ലാവരും ശ്രമിക്കണമെന്നും ട്വീറ്റില്‍ പറയുന്നു. അനധികൃത കയ്യേറ്റം ഒഴിപ്പിക്കാത്തതിലും സംഘര്‍ഷമുണ്ടായതിലും ഉത്തര്‍പ്രദേശ് സര്‍ക്കാരിനെ കുറ്റപ്പെടുത്തിക്കൊണ്ടുള്ള ട്വീറ്റും ട്വിറ്ററില്‍ പ്രത്യക്ഷപ്പെട്ടു.

ഉത്തര്‍ പ്രദേശിലെ മഥുരയിലെ ജവഹര്‍ബാഗില്‍ കുടിയേറ്റക്കാരെ ഒഴിപ്പിക്കാനെത്തിയ പൊലീസും തമ്മിലുണ്ടായ ഉണ്ടായ സംഘര്‍ഷത്തില്‍ രണ്ട് എസ്പിമാരുള്‍പ്പെടെ 21 പേരാണ് കൊല്ലപ്പെട്ടത്. 40ലേറെപ്പേര്‍ക്ക് പരിക്കേല്‍ക്കുകയും ചെയ്തു. അലഹാബാദ് ഹൈക്കോടതിയുടെ വിധി മാനിച്ച് കയ്യേറ്റക്കാരെ ഒഴിപ്പിക്കാനെത്തിയ പൊലീസുകാരും ജനക്കൂട്ടവും തമ്മില്‍ ഇന്നലെയാണ് സംഘര്‍ഷമുണ്ടായത്. സംഭവത്തില്‍ മുഖ്യമന്ത്രി അഖിലേഷ് യാദവ് അന്വേഷണത്തിന് ഉത്തരവിട്ടിട്ടുണ്ട്.

വിവാദ ട്വീറ്റില്‍ ബിജെപി എംഎല്‍എയായ ഹേമ മാലിനിക്ക് പിന്തുണയുമായി ബിജെപി വക്താവ് സാമ്പിച പാത്ര രംഗത്തെത്തി. വിഷയം വഴി തിരിച്ചുവിടാനാണ് മാധ്യമങ്ങള്‍ ശ്രമക്കുന്നതെന്ന് അദ്ദേഹം പറഞ്ഞു.

English summary
Mathura burns, MP Hema Malini busy with shooting pics on Twitter
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more