കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദുര്‍മന്ത്രവാദം; മൗലവി പിടിയില്‍

Google Oneindia Malayalam News

പുനെ: ഭര്‍ത്താവിനെ ചികിത്സിക്കാന്‍ വേണ്ടി യുവതിയോട് നഗ്നയായി അടുത്തിരിക്കാന്‍ ആവശ്യപ്പെട്ട മൗലവി പിടിയില്‍. ദുര്‍മന്ത്രവാദം നടത്തി ക്ഷയരോഗം ഭേദമാക്കാം എന്ന് വാഗ്ദാനം ചെയ്താണ് ഇയാള്‍ 25 കാരിയായ വിവാഹിതയോട് പൂര്‍ണനഗ്നയായി കൂടെ ഇരിക്കാന്‍ ആവശ്യപ്പെട്ടത്. യുവതിയുടെ അമ്മയുടെ പരാതിയിന്മേല്‍ പോലീസ് കള്ളമൗലവിയെ പിടികൂടുകയായിരുന്നു.

പുനെയിലാണ് സംഭവം നടന്നത്. മൗലാന സയ്യിദ് ആലം എന്ന ദുര്‍മന്ത്രവാദിയാണ് പോലീസിന്റെ പിടിയിലായത്. ഇയാളുടെ സഹായിയായ ഹമീദ അയൂബ് ഷേഖ് എന്ന 38 കാരിയെയും പോലീസ് അറസ്റ്റ് ചെയ്തു. നഗ്നയായിരുന്ന് ദുര്‍മന്ത്രവാദത്തില്‍ സഹഹകരിക്കാന്‍ കൂട്ടാക്കാതിരുന്ന യുവതിയെ ഇവര്‍ അപമാനിക്കാന്‍ ശ്രമിച്ചതായും പരാതിയുണ്ട്.

maharashtra

ദുര്‍മന്ത്രവാദത്തിനും ബലിക്കും എതിരെ മഹാരാഷ്ട്ര സര്‍ക്കാര്‍ അടുത്തിടെ പാസാക്കിയ ഓര്‍ഡിനന്‍സിലൂടെയാണ് ഇയാളെ അറസ്റ്റ് ചെയ്തത്. സ്ത്രീകളെ ഉപദ്രവിച്ചതിന് ഐ പി സി 354 ബി പ്രകാരവും ഇവര്‍ക്കെതിരെ കേസെടുത്തു. ഈ ഓര്‍ഡിനന്‍സ് പ്രകാരം പുനെയില്‍ ആദ്യത്തെ അറസ്റ്റാണിത്.

മൗലാന സയ്യിദ് ആലത്തെയും സഹായിയെയും ഡിസംബര്‍ 23 വരെ പോലീസ് കസ്റ്റഡിയില്‍ വിട്ടിട്ടുണ്ട്. 13 വര്‍ഷമായി ജോലി ചെയ്തുവരുന്ന പള്ളിയില്‍ നിന്നും ഇയാളെ പുറത്താക്കുകയും ചെയ്തു. ആലത്തിന്റെ സഹായിയായ ഹമീദയാണ് ദുര്‍മന്ത്രവാദത്തിനായി ഇരകളെ കണ്ടെത്തിയിരുന്നത് എന്ന് പോലീസ് പറഞ്ഞു. ആലത്തിന്റെ വീട്ടിലെ ജോലിക്കാരിയാണ് ഇവര്‍.

English summary
36 year old Maulana and helper arrested for black magic Pune.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X