Click it and Unblock the Notifications
Just In
Don't Miss
-
ബിഗ് ബോസ് മെറ്റീരിയലാവാന് മുഴുവന് സമയവും വായിട്ടടിക്കണം എന്നില്ല! സായി മൈന്ഡ് ഗെയിമറെന്ന് പ്രേക്ഷകര് -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി
യുപിയില്‍ മഞ്ഞുരുകുന്നു; 24 വര്‍ഷത്തിന് ശേഷം മുലായത്തിന്റെ കൂടെ വേദി പങ്കിടാന്‍ മായാവതി
ലഖ്‌നൗ: ബദ്ധവൈരികളായ എസ്പി നേതാവ് മുലായം സിംഗ് യാദവും ബിഎസ്പി നേതാവ് മായാവതിയും ഇന്ന് ഒരേ വേദിയില്‍. മെയിന്‍പൂരിയിലെ തിരഞ്ഞെടുപ്പ് റാലിയിലാണ് 24 വര്‍ഷത്തിന് ശേഷം ഇതാദ്യമായി ഇരുവരും ഒന്നിച്ച് വേദി പങ്കിടുന്നത്. അഖിലേഷ് യാദവ്, ആര്‍എല്‍ഡി നേതാവ് അജിത് സിങ് എന്നിവരും റാലിയില്‍ പങ്കെടുക്കും.
മുന്‍പ് കന്‍ഷി റാമും മുലായം സിംഗ് യാദവും ഒന്നിച്ച് ബിജെപിയെ തോല്‍പ്പിക്കാന്‍ ശ്രമിച്ചെങ്കിലും 1995ലെ ഗസ്റ്റ് ഹൗസ് സംഭവം കാരണം ഈ സഖ്യം പരാജയപ്പെട്ടു. മെയിന്‍പുരില്‍ നിന്ന് തുടര്‍ച്ചയായി ലോക്‌സഭയിലേക്ക് ജയിച്ചുവരുന്ന നേതാവാണ് മുലായം സിങ്. എസ്പിക്ക് മൃഗീയ ഭൂരിപക്ഷമുള്ള മണ്ഡലത്തില്‍ കോണ്‍ഗ്രസ് സ്ഥാനാര്‍ഥിയെ നിര്‍ത്തിയിട്ടില്ല. രാജ്യത്തേക്കാള്‍ വലുതാണ് രാജ്യത്തിനകത്തെ വ്യത്യസ്തകളെന്നും 1995ലെ ഗസ്റ്റ് ഹൗസ് സംഭവം രണ്ടു പാര്‍ട്ടികളും ഒന്നിച്ച് പ്രവര്‍ത്തിക്കുന്നതില്‍ തടസ്സമല്ലെന്നും മായാവതി അഭിപ്രായപ്പെട്ടു. ഇത് ചരിത്ര ദിനമാകുമെന്നായിരുന്നു മുലായം സിംഗ് യാദവിന്റെ പ്രതികരണം.
1993ലാണ് മുമ്പ് എസ്പി, ബിഎസ്പി കൂട്ടുക്കെട്ടുണ്ടായത്. ബിജെപിയെ അധികാരത്തില്‍നിന്ന് പുറത്താക്കാന്‍ മുതിര്‍ന്ന നേതാവ് കാന്‍ഷി റാമിന്റെ നേതൃത്വത്തില്‍ അന്ന് ഇരു പാര്‍ട്ടികളും ഒന്നിക്കുകയായിരുന്നു. തെരഞ്ഞെടുപ്പില്‍ സഖ്യം ജയിക്കുകയും മുലായം സിങ് മുഖ്യമന്ത്രിയാകുകയും ചെയ്തു. പിന്നീട് 1995ലെ പ്രസിദ്ധമായ ഗസ്റ്റ് ഹൗസ് സംഭവത്തെ തുടര്‍ന്ന് സഖ്യം പിരിഞ്ഞു. എസ്.പി നേതാക്കളും പ്രവര്‍ത്തകരും മായാവതിയുടെ ഗസ്റ്റ് ഹൗസ് ആക്രമിച്ചതാണ് സംഭവം. പിന്നീട് ബിജെപി പിന്തുണയോടെ മായാവതി മുഖ്യമന്ത്രിയായി.
ലോക്സഭ, നിയമസഭ തിരഞ്ഞെടുപ്പുകളില്‍ വമ്പന്‍ തോല്‍വിക്ക് ശേഷമാണ് ഇരു പാര്‍ട്ടികളും സഖ്യസാധ്യതയെക്കുറിച്ച് ആലോചിച്ചത്. രണ്ട് തിരഞ്ഞെടുപ്പുകളിലും ബിജെപി സീറ്റുകള്‍ തൂത്തുവാരി. എസ്പി നേതാവ് അഖിലേഷ് യാദവാണ് സഖ്യത്തിന് മുന്‍കൈയെടുത്തത്. എന്നാല്‍, തുടക്കത്തില്‍ സഖ്യ നീക്കത്തില്‍ മുലായം സിങ് യാദവിന് അതൃപ്തിയുണ്ടായിരുന്നു. യുപിയില്‍ ന്യൂനപക്ഷ, ദലിത് വോട്ടുകള്‍ വിഘടിച്ചാല്‍ ബിജെപിക്ക് ഗുണമാകുമെന്നും എക്കാലത്തും അധികാരത്തിന് പുറത്ത് നില്‍ക്കേണ്ടി വരുമെന്നും ഇരുപാര്‍ട്ടികള്‍ക്കും ബോധ്യപ്പെട്ടതിന് ശേഷമാണ് സഖ്യമുണ്ടായത്. ലോക്സഭ ഉപതെരഞ്ഞെടുപ്പുകളില്‍ ബിജെപി മണ്ഡലങ്ങളായിരുന്ന ഗൊരഖ്പുര്‍, കൈരാന എന്നിവ പിടിച്ചടക്കി സഖ്യം ശക്തി തെളിയിച്ചിരുന്നു.
