2015 ല് നരേന്ദ്രമോദി സന്ദര്ശിച്ചത് 58 രാഷ്ട്രങ്ങള്; ചെലവഴിച്ചത് 517.82 കോടി രൂപ
ദില്ലി: പ്രധാനമന്ത്രി നരേന്ദ്രമോദി 2015 ല് 58 രാജ്യങ്ങള് സന്ദര്ശിച്ചതായി കേന്ദ്ര വിദേശ കാര്യമന്ത്രാലയം രാജ്യസഭയില് അറിയിച്ചു. മോദിയുടെ വിദേശ യാത്രകള്ക്കായി 517.82 കോടി രൂപ ചെലവായിട്ടുണ്ടെന്നും മന്ത്രാലയം രേഖാമൂലം നല്കിയ മറുപടിയില് വ്യക്തമാക്കി.
ഒടുവിൽ ശോഭയ്ക്ക് ബിജെപിയുടെ അംഗീകാരം... ദേശീയ വനിതാ കമ്മീഷൻ ചെയർപേഴ്സൺ ആയേക്കുമെന്ന് റിപ്പോർട്ട്
വിദേശ രാജ്യങ്ങളിലെ സന്ദര്ശന വേളയില് വ്യാപാരം, നിക്ഷേപം, സാങ്കേതിക വിദ്യ, പ്രതിരോധം തുടങ്ങിയ മേഖലയില് ചില ധാരണാ പത്രങ്ങള് ഒപ്പുവെച്ചിട്ടുണ്ടെന്നും മന്ത്രാലയം അറിയിച്ചു.
അമേരിക്കന് പ്രസിഡണ്ടിന്റെ ഇന്ത്യാസന്ദര്ശന സമയത്തെ കൊവിഡ്് പരിശോധനയെ കുറിച്ചും മന്ത്രാലയം വ്യക്തത വരുത്തി. ഫെബ്രുവരിയില് ഇന്ത്യാ സന്ദര്ശനത്തിനെത്തുമ്പോള് അമേരിക്കന് പ്രസിഡണ്ട് ഡൊണാള്ഡ് ട്രംപിന്റെ സംഘം കൊവിഡ് പരിശോധന നടത്തിയിട്ടില്ലെന്ന് മന്ത്രാലയം അറിയിച്ചു.
ലോകാരോഗ്യ സംഘടന കൊവിഡിനെ ഒരു മഹാമാരിയായി പ്രഖ്യാുപിക്കുന്നത് മാര്ച്ച് 11 നാണെന്നും ട്രംപ് സന്ദര്ശനം നടത്തിയത് ഫെബ്രുവരി 24-25 തിയ്യതികളിലായാണെന്നും അതിനാല് തന്നെ കൊവിഡ് പരിശോധനകള്ക്ക് വിധേയമാക്കിയിട്ടുണ്ടായിരുന്നില്ലെന്നും മന്ത്രാലയം വ്യക്തമാക്കി. രാജ്യസഭയില് എംപി ബിനോയ് വിശ്വത്തിന്റെ ചോദ്യത്തിനായിരുന്നു വിഷയത്തില് മറുപടി നല്കിയത്.
Recommended Video
മാര്ച്ച് നാല് മുതല് രാജ്യത്ത് അന്താരാഷ്ട്ര യാത്രക്കാരെ സ്ക്രീനിംഗ് നടത്തിയിരുന്നുവെന്നും ട്രംപിന്റെ ഇന്ത്യ സന്ദര്ശന വേളയില് കൊവിഡ് പ്രോട്ടോകോള് പാലിച്ചിരുന്നുവെന്നും വ്യക്തമാക്കി.
ധര്ണ അവസാനിപ്പിച്ച് പുറത്താക്കപ്പെട്ട 8 എംപിമാര്, പിന്തുണയുമായി നിരാഹാരം അനുഷ്ഠിച്ച് ശരദ് പവാർ
കര്ഷകരുടെ വിയർപ്പും ജീവിതവും കോർപ്പറേറ്റുകൾക്ക് അടിയറവയ്ക്കാനാണ് കേന്ദ്രത്തിന്റെ ശ്രമം: കോടിയേരി