എസ്പി ബാലസുബ്രഹ്മണ്യത്തിന്റെ മരണ കാരണം ഹൃദയാഘാതം, ആശുപത്രിയുടെ മെഡിക്കൽ ബുളളറ്റിൻ
ചെന്നൈ: വിഖ്യാത ഗായകന് എസ്പി ബാലസുബ്രഹ്മണ്യത്തിന്റെ മരണ കാരണം ഹൃദയാഘാതമെന്ന് മെഡിക്കല് ബുളളറ്റിന്. എസ്പിബി ചികിത്സയില് കഴിഞ്ഞിരുന്ന ചെന്നൈയിലെ എംജിഎം ഹെല്ത്ത് കെയര് ആശുപത്രിയാണ് മെഡിക്കല് ബുളളറ്റിന് പുറത്ത് വിട്ടത്. എംജിഎം ഹെല്ത്ത് കെയര് അസിസ്റ്റന്ഡ് ഡയറക്ടര് അനുരാധ ഭാസ്കരന്റെ പേരിലാണ് വാര്ത്താക്കുറിപ്പ്.
വാർത്താക്കുറിപ്പ് ഇങ്ങനെ: ''ആഗസ്റ്റ് 5ന് എംജിഎം ഹെല്ത്ത് കെയര് ആശുപത്രിയില് പ്രവേശിപ്പിക്കപ്പെട്ട തിരു എസ്പി ബാലസുബ്രഹ്മണ്യം കൊവിഡ് കാരണമുളള കടുത്ത ന്യൂമോണിയ മൂലം ആഗസ്റ്റ് 14 മുതല് ജീവന്രക്ഷാ ഉപകരണങ്ങളുടെ സഹായത്തിലായിരുന്നു ഉണ്ടായിരുന്നത്. തീവ്രപരിചരണ വിഭാഗത്തില് തങ്ങളുടെ വിദഗ്ധ സംഘത്തിന്റെ സൂക്ഷ നിരീക്ഷണത്തില് തുടരുകയായിരുന്നു അദ്ദേഹം.
സെപ്റ്റംബര് നാലിന് അദ്ദേഹം കൊവിഡ് രോഗമുക്തനായി. എന്നാല് ജീവന് രക്ഷാ ഉപകരണങ്ങളുടെ സഹായവും മെഡിക്കല് സംഘത്തിന്റെ ശ്രമങ്ങളും എല്ലാം വിഫലമാക്കി ഇന്ന് രാവിലെ അദ്ദേഹത്തിന്റെ ആരോഗ്യനില വഷളാവുകയും അദ്ദേഹത്തിന് ഹൃദയാഘാതം സംഭവിക്കുകയും ചെയ്തു. ഉച്ചയ്ക്ക് 1.04 ഓടു കൂടി അദ്ദേഹത്തിന്റെ മരണം സംഭവിച്ചതായി കടുത്ത ദുഖത്തോടെ അറിയിക്കുന്നു. ഈ വേദനയുടെ സമയത്ത് അദ്ദേഹത്തിന്റെ കുടുംബാംഗങ്ങളുടേയും സുഹൃത്തുക്കളുടേയും ആരാധകരുടേയും അടക്കം ദുഖത്തില് പങ്കു ചേരുന്നു''.
കഴിഞ്ഞ ദിവസം ആശുപത്രി അധികൃതർ പുറത്തിറക്കിയ മെഡിക്കൽ ബുളളറ്റിനിൽ അദ്ദേഹത്തിന്റെ ആരോഗ്യനില അതീവ ഗുരുതരമാണെന്നാണ് അറിയിച്ചത്. കഴിഞ്ഞ 24 മണിക്കൂറിനിടെ അദ്ദേഹത്തിന്റെ ആരോഗ്യ സ്ഥിതി കൂടുതൽ വഷളായെന്നും എംജിഎം ഹെൽത്ത് കെയറിലെ വിദഗ്ദ ഡോക്ടർമാരുടെ സംഘം അദ്ദേഹത്തെ നിരീക്ഷിച്ച് വരികയാണെന്നും മെഡിക്കൽ ബുള്ളറ്റിൻ വഴി ആശുപത്രി അധികൃതർ അറിയിച്ചിരുന്നു.
ആശുപത്രിയില് പ്രവേശിപ്പിക്കുമ്പോള് അദ്ദേഹത്തിന് ചെറിയ കൊവിഡ് ലക്ഷണങ്ങള് മാത്രമേ ഉണ്ടായിരുന്നുളളൂ. എന്നാല് പിന്നീട് ആരോഗ്യസ്ഥിതി വഷളായതിനെ തുടര്ന്ന് തീവ്രപരിചരണ വിഭാഗത്തില് പ്രവേശിപ്പിക്കുകയായിരുന്നു. തുടര്ന്ന് ജീവന്രക്ഷാ ഉപകരണങ്ങളുടെ സഹായത്തോടെയാണ് ചികിത്സ നടന്നത്. ആരാധകർ എസ്പിബിയുടെ തിരിച്ച് വരവിന് വേണ്ടി മെഴുകുതിരി പ്രാർത്ഥനകൾ അടക്കം നടത്തി കാത്തിരിക്കവേയാണ് മരണം ആശുപത്രി സ്ഥിരീകരിച്ചിരിക്കുന്നത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google