മിഗ് 21 യുദ്ധവിമാനം തകർന്നു വീണ് അപകടം; പൈലറ്റ് മരണപ്പെട്ടു

പരിശീലന ദൗത്യത്തിന്റെ ഭാഗമായി എയർ ബേസിൽ നിന്ന് പറന്നുയരുന്നതിനിടയിലാണ് അപകടം സംഭവിച്ചത്.

ന്യൂഡൽഹി: മിഗ് 21 യുദ്ധവിമാനം തകർന്നുവീണുണ്ടായ അപകടത്തിൽ പൈലറ്റ് മരണപ്പെട്ടതായി എയർ ഫോഴ്സ്. മധ്യ ഇന്ത്യയിലുണ്ടായ അപകടത്തിൽ ഗ്രൂപ്പ് ക്യാപ്റ്റൻ എ ഗുപ്തയാണ് മരിച്ചത്. ട്വിറ്ററിലൂടെയാണ് എയർഫോഴ്സ് ഇക്കാര്യം സ്ഥിരീകരിച്ചത്.

പരിശീലന ദൗത്യത്തിന്റെ ഭാഗമായി എയർ ബേസിൽ നിന്ന് പറന്നുയരുന്നതിനിടയിലാണ് അപകടം സംഭവിച്ചത്.

"ദാരുണമായ അപകടത്തിൽ വ്യോമസേനയ്ക്ക് ഗ്രൂപ്പ് ക്യാപ്റ്റൻ എ ഗുപ്തയെ നഷ്ടപ്പെട്ടു. വ്യോമസേനയിൽ അനുശോചനം രേഖപ്പെടുത്തുകയും കുടുംബാംഗങ്ങളുടെ ദുഃഖത്തിൽ പങ്കുചേരുകയും ചെയ്യുന്നു. അപകടകാരണം നിർണ്ണയിക്കാൻ അന്വേഷണത്തിന് ഉത്തരവിട്ടിട്ടുണ്ട്, "വ്യോമസേന ട്വീറ്റിൽ പറഞ്ഞു.

English summary

MiG-21 crashes pilot killed Indian air force confirms