Click it and Unblock the Notifications
Just In
Don't Miss
-
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
രാഹുലുമായുള്ള സൗഹൃദം എത്രനാള്‍ തുടരുമെന്ന് ചോദ്യം; കിടിലന്‍ മറുപടിയുമായി അഖിലേഷ് യാദവ്
കഴിഞ്ഞ ഉത്തര്‍പ്രദേശ് നിയമസഭാ തിരഞ്ഞെടുപ്പില്‍ കോണ്‍ഗ്രസ്-എസ്പി സഖ്യമായിരുന്നു ബിജെപിയെ നേരിട്ടത്ത്. ഹിന്ദി മേഖലയില്‍ തങ്ങള്‍ക്ക് നഷ്ടപ്പെട്ട സ്വാധീനം ഉത്തര്‍പ്രദേശിലൂടെ തിരിച്ചുപിടക്കാമെന്ന് കോണ്‍ഗ്രസ് സ്വപ്‌നം കണ്ടപ്പോള്‍ ഭരണത്തുടര്‍ച്ചയായിരുന്നു എസ്പി സ്വപ്‌നം കണ്ടത്. എന്നാല്‍ തിരഞ്ഞെപ്പില്‍ കോണ്‍ഗ്രസ്-എസ്പി സഖ്യത്തിന് ബിജെപിക്ക് മുന്നില്‍ അടിതെറ്റുകയായിരുന്നു.
തിരഞ്ഞെടുപ്പിന് ശേഷം സഖ്യം നിലനിന്നില്ലെങ്കിലും ഉപതിരഞ്ഞെടുപ്പുകളില്‍ പ്രതിപക്ഷ വിശാല ഐക്യത്തിന്റെ കീഴില്‍ ഇരുപാര്‍ട്ടികളും അണിരന്നിരുന്നു. വരാനിരിക്കുന്ന തിരഞ്ഞെടുപ്പിലും വിശാല ഐക്യം തുടരുമെന്ന സൂചന നിലനില്‍ക്കേയാണ് രാഹുലുമായുള്ള സൗഹൃദം എത്ര നാള്‍ തുടരുമെന്ന ചോദ്യം എസ്പി നേതാവ് അഖിലേഷിന് നേരിടേണ്ടി വന്നത്. അതിന് അദ്ദേഹം നല്‍കിയ മറുപടി ഇങ്ങനെയായിരുന്നു.
രാഹുലുമായി
ഒരു സ്വകാര്യ ചാനല്‍ പരിപാടിയിലായിരുന്നു രാഹുലുമായുള്ള സഖ്യത്തെക്കുറിച്ചുള്ള ചോദ്യം സമാജ് വാദി പാര്‍ട്ടി നേതാവ് അഖിലേഷ് യാദവിന് നേരിടേണ്ടി വന്നത്. രാഹുലുമായി ഭാവിയില്‍ സഖ്യം ഉണ്ടാവില്ലേ എന്ന ചോദ്യമായിരുന്നു അദ്ദേഹത്തിന് ആദ്യം നേരിടേണ്ടി വന്നത്.
ആ ചോദ്യം വിട്ടേക്കു
ആ ചോദ്യം വിട്ടേക്കു എന്ന് പറഞ്ഞ സഖ്യത്തേക്കുറിച്ചുള്ള ചോദ്യത്തില്‍ നിന്ന് ഒഴിഞ്ഞുമാറുകയായിരുന്നു അഖിലേഷ് യാദവ്. പിന്നീട് രാഹുലുമായുള്ള സൗഹൃദത്തെകുറിച്ച് ചോദിച്ചപ്പോഴാണ് അഖിലേഷ് ശ്രദ്ധേയമായ മറുപടി നല്‍കിയത്.
രാഹുല്‍ വളരെ നല്ല വ്യക്തിയാണ്
രാഹുല്‍ വളരെ നല്ല വ്യക്തിയാണ്. അദ്ദേഹവുമായിള്ള സൗഹൃദം മരണം വരെ തുടരാന്‍ ഞാന്‍ ആഗ്രഹിക്കുന്നു. ആരെങ്കിലുമായി സൗഹൃദം സ്ഥാപിച്ചാല്‍ മരണം വരെ അത് കാത്തുസൂക്ഷിക്കാന്‍ ശ്രമിക്കുന്ന വ്യക്തിയാണ് ഞാനെന്നും അദ്ദേഹം വ്യക്തമാക്കി. രാഹുലുമായി സൗഹൃദം ഉണ്ടാക്കുക എന്നത് നല്ലൊരു ആശമായിരുന്നെന്നും അദ്ദേഹം കൂട്ടിച്ചേര്‍ത്തു.
തയ്യാറാകും
ഈ വര്‍ഷം അവസാനം നിയമസഭാ തിരഞ്ഞെടുപ്പ് നടക്കുന്ന മധ്യപ്രദേശില്‍ ബിജെപി വിരുദ്ധ സര്‍ക്കാരുണ്ടാക്കാന്‍ തന്റെ പാര്‍ട്ടിയുടെ ആവശ്യം വേണ്ടി വന്നാല്‍ അതിന് തയ്യാറാകും. ബിജെപിയെ പ്രതിരോധിക്കാനുള്ള ഏത് പ്രവര്‍ത്തനത്തിനും തന്റെ പാര്‍ട്ടി തയ്യാറാണെന്നും അദ്ദേഹം വ്യക്തമാക്കി.
സഖ്യ ചര്‍ച്ചകള്‍
മധ്യപ്രദേശില്‍ കോണ്‍ഗ്രസ് ബിഎസ്പിയുമായി സഖ്യ ചര്‍ച്ചകള്‍ തുടങ്ങിയിട്ടുണ്ട്. സംസ്ഥാനത്ത് വലിയ സ്വാധീനമൊന്നുമില്ലെങ്കിലും എസ്പിയും സഖ്യത്തിന്റെ ഭാഗമാകുമെന്ന സൂചനകളാണ് റിപ്പോര്‍ട്ടുകള്‍ നല്‍കുന്നത്. പത്ത് ദിവസത്തിനുള്ളില്‍ ഇക്കര്യത്തില്‍ തീരുമാനമുണ്ടാകുമെന്നാണ് കോണ്‍ഗ്രസ് വ്യക്തമാക്കുന്നത്.
ബിജെപിയെ കാത്തിരിക്കുന്നത്
2019 ലെ ലോക്‌സഭാ തിരഞ്ഞെടുപ്പില്‍ ബിജെപിയെ കാത്തിരിക്കുന്നത് കനത്ത പരാജയമാണ്. 2014 ലെ ലോക്‌സഭാ തെരഞ്ഞെടുപ്പില്‍ ലഭിച്ച വിജയത്തിന്റെ പകുതി പോലും ഇത്തവണ ലഭിക്കില്ലെന്നും അതിന്റെ സൂചനകളാണ് അടുത്തിടെ നടന്ന ഉപതിരഞ്ഞെടുപ്പ് ഫലം സൂചിപ്പിക്കുന്നതെന്നും അഖിലേഷ് പറഞ്ഞു.
ആര്‍.എസ്.എസ് നേതൃത്വം സമീപിച്ചാല്‍
ഏതെങ്കിലും പരിപാടിയില്‍ പങ്കെടുക്കാനായി ആര്‍.എസ്.എസ് നേതൃത്വം സമീപിച്ചാല്‍ താങ്കള്‍ തയ്യാറാകുമോ എന്ന ചോദ്യത്തിന് ഒരിക്കലും ഇല്ല എന്നായിരുന്നു അഖിലേഷ് മറുപടി നല്‍കിയത്. അഖിലേഷ് ഉള്‍പ്പേടേയുള്ള നേതാക്കളെ ആര്‍എസ്എസ് തങ്ങളുടെ പരിപാടിയിലേക്ക് ക്ഷണിക്കുന്നുവെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു.
ആര്‍.എസ്.എസിനെ നിരോധിച്ചത്
തനിക്ക് ആര്‍.എസ്.എസിനെ കുറിച്ച് അധികമൊന്നും അറിയില്ല. സര്‍ദാര്‍ പട്ടേല്‍ ആര്‍.എസ്.എസിനെ നിരോധിച്ചത് എന്തുകൊണ്ടാണെന്ന് താന്‍ വായിച്ചുകൊണ്ടിരിക്കുകയാണെന്നുമായിരുന്നു അഖിലേഷിന്റെ മറുപടി. ഇന്ത്യാ ടുഡെയുടെ ന്യൂസ് സമ്മിറ്റില്‍ പങ്കെടുക്കേയായിരുന്നു അഖിലേഷിന്റെ പ്രതികരണങ്ങള്‍.
