ഇറാഖില് നിന്ന് കൊണ്ടുവരിക 38 മൃതദേഹങ്ങള്; ബാക്കി വൈകും, ചൊവ്വാഴ്ചയെത്തുമെന്ന് റിപ്പോര്ട്ട്
ദില്ലി: ഇറാഖില് ഐസിസ് തീവ്രവാദികള് കൊലപ്പെടുത്തിയ ഇന്ത്യക്കാരുടെ മൃതദേഹം ചൊവ്വാഴ്ച ഇന്ത്യയിലെത്തുമെന്ന് വിവരം. തിങ്കളാഴ്ച രാത്രിയോടെ നടപടികള് പൂര്ത്തിയാക്കി ഇന്ത്യന് പ്രതിനിധികള് മൃതദേഹങ്ങളുമായി മടങ്ങും. പോസ്റ്റ്മോര്ട്ടം ഉള്പ്പെടെയുള്ള നടപടികള് പൂര്ത്തീകരിച്ച് മൃതദേഹങ്ങള് ഫ്രീസറില് സൂക്ഷിച്ചിരിക്കുകയാണ്. ചില കടലാസ് പണികള് മാത്രമാണ് ബാക്കിയുള്ളത്. കേന്ദ്ര വിദേശകാര്യ സഹമന്ത്രി വികെ സിങിന്റെ നേതൃത്വത്തിലുള്ള സംഘമാണ് ഇറാഖില് എത്തിയിട്ടുള്ളത്.
38 മൃതദേഹങ്ങളാണ് ഇന്ത്യയിലേക്ക് കൊണ്ടുവരിക. 39 ഇന്ത്യക്കാര് കൊല്ലപ്പെട്ടുവെന്ന് നേരത്തെ റിപ്പോര്ട്ടുകള് വന്നിരുന്നു. ഒരാളുടെ മൃതദേഹം നാട്ടിലെത്തിക്കാന് വൈകും. ഡിഎന്എ ഉള്പ്പെടെയുള്ള പരിശോധനകള് പൂര്ത്തിയാകാത്ത പശ്ചാത്തലത്തിലാണ് ഈ മൃതദേഹം ഇപ്പോള് കൊണ്ടുവരാത്തത്. ബാക്കി 38 മൃതദേഹങ്ങളുമായി തിങ്കളാഴ്ച രാത്രി ഇന്ത്യന് സംഘം മടങ്ങും.
ഇറാഖിലെ മൊസൂളില് നിന്നാണ് ഇന്ത്യയിലേക്ക് ഇന്ത്യന് സംഘം മടങ്ങുക. പഞ്ചാബ്, ബിഹാര് എന്നീ സംസ്ഥാനങ്ങളിലുള്ളവരാണ് മരിച്ചവരില് കൂടുതല്. ഇവരെ ഐസിസ് തീവ്രവാദികള് പിടികൂടി കൊലപ്പെടുത്തിയെന്നാണ് വിദേശകാര്യ മന്ത്രാലയം അറിയിച്ചത്. നേരത്തെ ഇതുസംബന്ധിച്ച വിവരങ്ങള് മറച്ചുവച്ച വിദേശകാര്യ മന്ത്രി സുഷമ സ്വരാജിന്റെ നടപടി ഏറെ വിമര്ശനത്തിന് ഇടയാക്കിയിരുന്നു. ആഴ്ചകള്ക്ക് മുമ്പ് രാജ്യസഭയിലാണ് സുഷമ സ്വരാജ് ഇറാഖില് കാണാതായ ഇന്ത്യക്കാര് കൊല്ലപ്പെട്ടെന്ന് വെളിപ്പെടുത്തിയിത്.
ഇത്രയും കാലം കുടുംബങ്ങളെ വഞ്ചിച്ച സുഷമക്കെതിരെ അവകാശ ലംഘന നോട്ടീസ് കൊണ്ടുവരുമെന്ന് പ്രതിപക്ഷം സൂചിപ്പിച്ചിരുന്നു. ഇറാഖില് കുടുങ്ങിയവരെ തിരിച്ചെത്തിക്കുമെന്നായിരുന്നു സുഷമ ഇതുവരെ പറഞ്ഞിരുന്നത്. എന്നാല് രാജ്യസഭയില് അവര് തിരുത്തി. എല്ലാവരും കൊല്ലപ്പെട്ടുവെന്നാണ് സഭയെ അറിയിച്ചത്. തുടര്ന്നാണ് മൃതദേഹങ്ങള് കൊണ്ടുവരാന് വികെ സിങിന്റെ നേതൃത്വത്തില് സംഘത്തെ അയച്ചത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google