പൈലറ്റുമാര് തുണച്ചു,വിമാനങ്ങളുടെ കൂട്ടിയിടി ഒഴിവായി
വെള്ളിയാഴ്ച രാത്രി 12.30 ഓടെയാണ് സംഭവം. വിമാനത്താവളത്തില് ലാന്ഡിംഗിന് ശ്രമിച്ച എയര് ഇന്ത്യ 879 വിമാനവും പറന്നുയരാന് ശ്രമിച്ച ഇന്ഡിയോ വിമാനവുമാണ് കൂട്ടിയിടിയില് നിന്ന് രക്ഷപ്പെട്ടത്. എയര്ഇന്ത്യയില് 120 യാത്രക്കാരും ദില്ലിയിലേക്ക് പുറപ്പെട്ട ഇന്ഡിഗോ വിമാനത്തില് 130 യാത്രക്കാരുമാണ് ഉണ്ടായിരുന്നത്. ട്രാഫിക് കണ്ട്രാള് റൂമില് നിന്ന് ലഭിച്ച കൃത്യമായ സന്ദേശവും പൈലറ്റുമാര് നടത്തിയ സമയോചിതമായ ഇടപെടലുമാണ് ദുരന്തം ഒഴിവാക്കിയത്.
ഇന്ഡിയോ വിമാനം പറന്നുയരാന് നിര്ദ്ദേശം ലഭിച്ചത് തൊട്ടു പിന്നാലെ എയര് ഇന്ത്യ ലാന്ഡിംഗിന് ശ്രമിയ്ക്കുകയായിരുന്നു. ഇരു വിമാനങ്ങളും തമ്മില് പാലിയ്ക്കേണ്ട ആയിരം മീറ്റര് അകലം ലംഘിയ്ക്കപ്പെട്ടിരുന്നു. എന്നാല് സമയോചിത ഇടപെടല് മൂലം പൈലറ്റുമാര് അകലം കൂട്ടി അപകടം ഒഴിവാക്കി. നിര്ദ്ദേശം ലഭിച്ചതിനെത്തുടര്ന്ന് ഇന്ഡിഗോ പൈലറ്റ് വിമാനം താഴ്ത്തി. ഈ സമയം എയര് ഇന്ത്യ വലത്തേയ്ക്ക് തിരിഞ്ഞ് മാറി. പ്രതി സന്ധിമാറിയെന്ന സന്ദേശം ലഭിച്ചതോടെ ഇരുവിമാനങ്ങളും സാധാരണ നിലയില് എത്തി.
Click it and Unblock the Notifications
Sign in with Google